NBA финалында жанкүйерлер Дональд Трампты ысқырықпен қарсы алды

Ұлттық баскетбол қауымдастығының финалындағы "Нью-Йорк Никс" пен "Сан-Антонио Спёрс" арасындағы үшінші ойын кезінде жанкүйерлер АҚШ президенті Дональд Трампқа наразылық білдіріп, айқайлап, ысқырды, деп хабарлайды Tengri Sport әлеуметтік желілерге сілтеме жасап.

АҚШ президенті ойынға арнайы қонақ ретінде келген.

Оның бейнесі экраннан көрінген кезде, жанкүйерлер гуілдеп, ысқыра бастады. Бұл сәттің видеосы әлеуметтік желілерде тез тарап кетті.

Айта кетейік, жанкүйерлердің бір бөлігі ысқырмас бұрын, екінші бөлігі президентті ду қол шапалақпен және "АҚШ, АҚШ!" деген ұрандармен қарсы алған.

Ойын нәтижесіне келетін болсақ, кездесу 111-115 есебімен қонақтардың пайдасына аяқталды. Бұл "Сан-Антонио" командасына өз алаңындағы екі жеңілістің есесін қайтаруға мүмкіндік берді.

Ұлттық баскетбол қауымдастығы (NBA) – баскетболдан жарыстар өткізетін ұйым. NBA плей-офф кезеңінде жеңіске жету қазіргі баскетболдағы ең беделді жетістіктердің бірі саналады.

Қазіргі чемпион – "Оклахома-Сити Тандер" командасы, олар өткен жылы финалдық серияда "Индиана Пейсерсті" жеңіп, титулды иеленген болатын.

Бұған дейін Туризм және спорт министрі Ербол Мырзабосынов Үкімет отырысында премьер-министр Олжас Бектеновке есеп берген болатын. Ол TikTok-тағы жарнамалық науқандардың нәтижелері туралы айтып берді.