“Арсенал“ мен “Атлетико“ Чемпиондар лигасының финалына таласады: матчті қайда және қашан көруге болады?

Бүгін, сәуірдің 29-нан 30-ына қараған түні мадридтік "Атлетико" Чемпиондар лигасының 1/2 финалындағы алғашқы ойын аясында лондондық "Арсеналды" қабылдайды, деп хабарлайды Tengri Sport.

Матч "Рияд Эйр Метрополитано" стадионында (Мадрид, Испания) өтеді.

"Атлетико" - "Арсенал": тікелей көрсетілім

Матч Қазақстан уақытымен 23:50-де басталады. Кездесуді Qazsport телеарнасынан және сайтынан тікелей эфирде тамашалауға болады.

Алаң иелері сапында Хименес, сондай-ақ Барриос пен Гонсалес алаңға шыға алмайды. Ал қонақтар сапынан Тимбер, Мерино және Хавертц матчқа қатыспайды.

Еске сала кетейік, алдыңғы кезеңде "Атлетико" алғашқы ойында "Барселонаны" 2:0 есебімен жеңіп, екінші кездесуде 1:2 есебімен есе жібергенімен, екі матчті қорытындысы бойынша 3:2 есебімен жартылай финалға жолдама алған болатын.

"Арсенал" жартылай финал тағдырын 1/4 финалдың алғашқы матчінде шешіп қойды. Олар "Спортингті" 1:0 есебімен жеңсе, қарымта кездесуде тең түсті - 0:0.

Өткен түнде қатарлас жұпта француздық "Пари Сен-Жермен" Чемпиондар лигасының 1/2 финалындағы алғашқы матч аясында мюнхендік "Баварияны" жеңді.

Чемпиондар лигасы: сенсациялық матчте үш бірдей рекорд орнатылды