ПСЖ мен “Бавария“ Чемпиондар лигасының финалына таласады: тікелей көрсетілім

Франциялық "Пари Сен-Жермен" Чемпиондар лигасының алғашқы жартылай финалдық матчінде германиялық "Баварияны" қабылдайды, деп хабарлайды Tengri Sport.

29 сәуірге қараған түні Париждегі (Франция) "Парк де Пренс" стадионында Чемпиондар лигасының алғашқы жартылай финалдық матчі өтеді.

Стадион иелері ПСЖ мюнхендік "Бавариямен" кездеседі.

Екінші жартылай финалдық матч 7 мамырда Мюнхендегі (Германия) "Альянц Аренада" өтеді.

ПСЖ - "Бавария" Чемпиондар лигасы жартылай финалының тікелей көрсетілімі

Матч Қазақстан уақытымен 23:50-де басталады. Кездесуді Qazsport телеарнасынан және сайтынан тікелей эфирде тамашалауға болады.

Еске сала кетейік, ПСЖ Чемпиондар лигасының ширек финалында ағылшындық "Ливерпульді" жарыс жолынан шығарды. Қос матч та 2:0 есебімен аяқталды (жалпы есеп 4:0), голдарды вингер Хвича Кварацхелия, шабуылшы Дезире Дуэ және форвард Усман Дембеле соқты.

"Бавария" екі кездесудің қорытындысы бойынша мадридтік "Реалдан" басым түсті. Мадридтегі (Испания) "Сантьяго Бернабеуде" өткен алғашқы кездесу 1:2 есебімен аяқталып, Луис Диас пен Харри Кейн гол соқса, қарымта матчта "Бавария" Александар Павлович, Луис Диас, Харри Кейн және Майкл Олисенің төрт голы арқасында жеңіске жетті (жалпы есеп 6:4).

Бұған дейін Ламин Ямаль “Барселона“ Чемпиондар лигасынан шығып қалғаннан кейін марапатқа ие болды.

“Аузыңды жап“: “Реал“ жұлдыздары ЧЛ жартылай финалы үшін өткен матчта ұрсысып қалды