Алматыдағы ACA 205 турнирінде Резников пен Гаджиев тең түсті

Көпшілік асыға күткен жекпе-жек үш раундқа созылып, төрешілердің шешімімен тең аяқталды. Бір төреші жеңісті Резниковқа берсе, екіншісі Гаджиевті жеңімпаз деп таныды. Үшінші төреші айқасты тең деп бағалады.

Алғашқы раундта Гаджиев белсенді шабуылдады. Резников оның қарқынына төтеп беріп, жекпе-жек клинчке ұласты. Айқас барысында Резниковтың қабағы жарылса, Гаджиевтің де беті қанға боялды.

Екінші раундта қазақстандық файтер басымдық танытып, қарсыласына қысым жасады. Ол бірнеше дәл соққы өткізіп, Гаджиевті клинчте қорғануға мәжбүр етті.

Үшінші раундта әзербайжандық файтер тік тұрып айқасуда белсендірек көрінді. Жекпе-жектің соңына қарай Резников қарсыласын партерге түсірді, алайда басымдығын арттыруға уақыт жетпеді.

Айқастан кейін екі спортшы да өзін жеңімпаз санайтынын айтты.

Бізге қосылыңыз және ең маңызды жаңалықтардан хабардар болыңыз!