Әлімханұлы жаңа салмақтағы WBO титулы үшін өтетін жекпе-жектің мән-жайын ашты

Жәнібек Әлімханұлы өзінің әлеуметтік желілерінде WBO титулы үшін жекпе-жегі британдық бокс жұлдыздары Энтони Джошуа мен Тайсон Фьюри арасындағы кездесудің андеркардында өтуі мүмкін екенін айтты.

Алайда әзірге бұл ақпарат ресми расталған жоқ.

"Мен біздің жекпе-жек Джошуа - Фьюри кездесуінің андеркардында өтеді деп ойлағанмын. Бірақ әзірге ешқандай жаңалық жоқ. Мен жаңалық күтіп жүрмін", - деп жазды Әлімханұлы.

Сондай-ақ Әлімханұлы титулдық жекпе-жегін Нью-Йоркте (АҚШ) өткізгісі келетінін, өйткені ол жақта қазақстандық жанкүйерлердің көп екенін атап өтті.

"Егер промоутерім жекпе-жек ұйымдастырса, мен оны Нью-Йоркте өткізгім келеді, өйткені онда менің Қазақстаннан келген жанкүйерім өте көп", - деп толықтырды қазақстандық боксшы.

Әлімханұлының WBO титулы үшін жекпе-жегі

Еске сала кетейік, бұған дейін жеңілмеген қазақстандық боксшы британдық Хамза Ширазға қарсы шығуы тиіс болатын. Боксшылардың өкілдері сауда-саттық өткізгенімен, кейінірек Шираз жекпе-жектен бас тартып, титулды бос қалдырды.

Енді WBO қазақстандық Жәнібек Әлімханұлы мен даниялық Якоб Банк арасында міндетті титулдық жекпе-жек белгіледі.

Банк қазақстандық боксшыдан 7 жас кіші болса да, оның кәсіпқой карьерасында 20 жекпе-жек өткен, оның 11-ін мерзімінен бұрын аяқтаған және бірде-бір рет жеңілмеген. Сонымен қатар, оның қоржынында WBO Global титулы бар - ол бұл белбеуді тәжірибелі кубалық Уильям Скуллды нокаутқа түсіріп жеңіп алған болатын.

Жәнібек Канелоға қарсы: Әлімханұлы аңызға айналған боксшының мәлімдемесіне жауап берді