Асу Алмабаев UFC рейтингінде үздік бестікке кірді

Фото: instagram.com/asu_zulfikar57

Ең жеңіл салмақта өнер көрсететін UFC-дегі қазақстандық файтер Асу Алмабаев промоушеннің жаңартылған рейтингінде 2 сатыға жоғарылады, - деп хабарлайды Tengri Sport.

UFC баспасөз қызметі үздік спортшылардың Meta рейтингін жаңартты. Бұл топ-тізім әрбір жекпе-жектің көрсеткіштері негізінде жасалады.

Алмабаев 2 сатыға көтеріліп, қазіргі уақытта 5-орынға жайғасты, ал ескі рейтингте ол әлі де 7-ші сатыда тұр.

Скриншот: ufc.com

Алмабаевқа азулы қарсылас үндеу жасады

Еске салайық, UFC 329 турнирінің басты кардында америкалық файтер Брэндон Ройвал ұлыбританиялық Лоне Кавананы қылқындыру әдісімен жеңген болатын. Жекпе-жектен кейін жеңімпаз қазақстандық файтер Асу Алмабаевты айқасқа шақырды. Ройвал "Зұлпықарға" құрмет білдіріп, оны үздік деп атады және онымен күш сынасуға ниетті екенін жеткізді.

Ал Асу Алмабаевқа келетін болсақ, ол соңғы рет 28 маусымға қараған түні Бакуде (Әзербайжан) өткен UFC Fight Night 280 турнирінде октагонға шыққан. Онда қазақстандық спортшы америкалық Чарльз Джонсонды мерзімінен бұрын жеңді.

Жекпе-жектің үшінші раундында Алмабаев қарсыласын партерге түсіріп, сирек кездесетін "Сулоев" әдісін қолданды.

Бұл әдіс - UFC тарихындағы ең сирек қолданылатын тәсілдердің бірі. Промоушен тарихында бұл әдіс бұған дейін небәрі 3 рет жасалған болса, Асу оны 4-ші болып орындады.