Елена Рыбакина US Open-дегі жеңісінен кейін табысы бойынша көш бастады

Фото © Tengrinews.kz / Тұрар Қазанғапов

Әлемнің бірінші ракеткасы Елена Рыбакина биылғы маусымда дүниежүзіндегі барлық теннисші арасында табыс көлемі бойынша рейтингті бастап тұр, деп хабарлайды Tengri Sport Әйелдер теннисі қауымдастығының (WTA) баспасөз қызметіне сілтеме жасап.

Қаңтардан бері қазақстандық теннисші 10 миллион доллардан астам табыс тауып, осы көрсеткіш бойынша көш бастады.

Оның ең жақын ізбасары - әлемнің бұрынғы бірінші ракеткасы, беларусьтік Арина Соболенконың табысы Рыбакинадан 2 миллион долларға аз.

2026 жылғы әлемнің үздік теннисшілерінің табыс рейтингі

Елена Рыбакина (Қазақстан) - 10 миллион 879 мың доллар;
Арина Соболенко (Беларусь) - 8 миллион 47 мың доллар;
Линда Носкова (Чехия) - 7 миллион 491 мың доллар;
Кори Гауфф (АҚШ) - 6 миллион 972 мың доллар;
Мирра Андреева (Ресей) - 6 миллион 505 мың доллар;
Джессика Пегула (АҚШ) - 5 миллион 733 мың доллар;
Каролина Мухова (Чехия) - 4 миллион 749 доллар;
Марта Костюк (Украина) - 4 миллион 277 мың доллар;
Элина Свитолина (Украина) - 4 миллион 230 мың доллар;
Ига Швёнтек (Польша) - 4 миллион 109 мың доллар.

Айта кетейік, барлық сома салықты есептемегенде көрсетілген, сондықтан теннисшілердің нақты табысы бұдан айтарлықтай аз.

Ерлер рейтингінің көшбасшылары Рыбакинадан көп табыс тапты

Табыстың осындай есебін Кәсіби теннисшілер қауымдастығы (ATP) да жүргізеді. Онда биылғы көшбасшысы - Александр Зверев. Германиялық спортшы Рыбакина сияқты Үлкен дулығаның екі титулын жеңіп алды, бірақ оның табысы қазірдің өзінде 14 миллион 517 мың доллар болды.

Ерлер арасындағы әлемнің бірінші ракеткасы, италиялық Янник Синнердің де табысы жоғары - 11 миллион 559 мың доллар.

Ал қалған барлық ер адамдарды, соның ішінде испаниялық Карлос Алькарас пен сербиялық Новак Джоковичті Рыбакина басып озды.

Рыбакина - US Open чемпионы! Елена финалда Арина Соболенконы жеңді

Еске сала кетейік, Елена Рыбакина US Open турниріндегі жеңісі үшін 5,5 миллион доллар көлемінде (салықты есептемегенде) сыйақы алған болатын.

Елена Рыбакина ресми түрде WTA әлемдік рейтингінде көш бастады