Елена Рыбакина US Open финалына шықты

Турнирдің финалына шығу үшін Рыбакина америкалық Коко Гауффпен шеберлік байқасты. Матч 2 сағат 10 минутқа созылып, 3:6, 6:4, 6:4 есебімен қазақстандық теннисшінің жеңісімен аяқталды.

Турнирдің финалында Елена Рыбакина әлемнің үшінші ракеткасы, америкалық Джессика Пегуланы жеңген беларусьтік Арина Соболенкомен кездеседі.

Әлемнің жаңа бірінші ракеткасы

Бұған дейін US Open турнирінің жартылай финалына шыққаннан кейін Рыбакина WTA live-рейтингінде Арина Соболенконы басып озған болатын. 14 қыркүйектен бастап Қазақстан тарихында тұңғыш рет әлемнің бірінші ракеткасы пайда болады.

27 жасына қарай қазақстандық теннисші екі "Үлкен дулыға" турнирін, сондай-ақ WTA Қорытынды турнирін жеңіп алып, әлемдік рейтингтің шыңына көтерілді.

Бұған дейін Рыбакина эмоционалды түрде әлеуметтік желіде жазба жариялап, бұл тарихи жетістіктің ел үшін маңызы туралы пікір білдірген болатын.

АҚШ-тың ашық чемпионаты 30 тамыз бен 13 қыркүйек аралығында Нью-Йоркте өтіп жатыр. Әйелдер арасындағы турнирдің жүлде қоры шамамен 49 миллион долларды құрайды. Жарыстың қазіргі жеңімпазы - Соболенко.