Елена Рыбакина мансабында алғаш рет US Open ширек финалына шықты

Қазақстандық теннисші Елена Рыбакина US Open турнирінің төртінші айналымында жапондық спортшы Наоми Осаканы жеңді, деп хабарлайды Tengri Sport.

Наоми Осакамен өткен матч 6:1, 6:4 есебімен қазақстандықтың пайдасына аяқталды. Қазақстанның бірінші ракеткасы алғаш рет US Open турнирінің 1/4 финалына, ал жалпы сегізінші рет "Үлкен дулыға" турнирінің ширек финалына шықты.

Келесі матчте ол Циньвэнь Чжэнмен ойнайды.

Рыбакинаны әлемнің бірінші ракеткасы атағынан бір ғана жеңіс бөліп тұр. Бұған дейін ол US Open үшінші айналымында украиналық Юлия Стародубцевадан басым түскеннен кейін осы мүмкіндік туралы айтқан болатын.