“Қазақстан - Бразилия бір туған“: Molodoy Неймармен кездесті

Қазақстандық киберспорт жұлдызы Данил molodoy Голубенко әлемдегі ең танымал футболшылардың бірі кіші Неймармен кездесті, деп хабарлайды Tengri Sport спортшының әлеуметтік желідегі парақшасына сілтеме жасап.

Counter-Strike пәні бойынша бразилиялық Furia командасында өнер көрсететін қазақстандық "Сантос" пен Бразилия құрамасының даңқты ойыншысымен түскен бірнеше фотосуретін жариялады.

Жазбаға қалдырылған пікірлерде бұл кездесуді "көптен күткен" деп атап, спортшылардың қазіргі әлемдегі мәртебесіне қатысты әзілдеп жатыр.

"Аңызға айналған ойыншы және сақалды бір жігіт";

"Қазақ - бразил бір туған";

"Бір жағында нағыз монстр, көп ойнайды, ал екінші жағында - Неймар";

"Көптен күткен кездесу!";

"Бұл жігіт бразилиялық болып туған", - деп жазды әлеуметтік желі қолданушылары.

Айта кетейік, Неймар қазақстандық киберспортшының ойынын бұрыннан бақылап келеді және оның мансабына бірнеше рет көпшілік алдында таңданысын білдірген.

Сәуір айында қазақстандық IEM Rio ірі турниріне қатысу үшін командасымен бірге Бразилияға барған еді, сол кезде Неймар Голубенконың өз тегі жазылған жейдемен түскен суретін парақшасында бөліскен болатын.

Ал өткен күзде футболшы киберспортшының FISSURE PLAYGROUND 2 турниріндегі жеңісінен кейін жазба астындағы пікірде оған өз құрметін білдірген еді.