Қазақстан құрамасының аңызы Роман Старченко жаңа қызметке тағайындалды

Фото © Tengrinews.kz / Маржан Қуандықова

"Барыс" пен хоккейден Қазақстан құрамасының бұрынғы шабуылшысы Роман Старченко ұлттық команда бас жаттықтырушысының ассистенті болып тағайындалды, деп хабарлайды Tengri Sport Қазақстан хоккей федерациясының баспасөз қызметіне сілтеме жасап.

40 жастағы хоккейші 2026 жылдың жазында мансабын аяқтайтынын мәлімдеген болатын, ал қыркүйек басында "Барыс" аңызға айналған ойыншының құрметіне салтанатты рәсім өткізіп, оның жейдесін "Барыс Арена" төріне ілді.

Айта кетейік, хоккейден Қазақстан құрамасының бас жаттықтырушысы - Старченконың "Барыс" пен ұлттық құрамадағы бұрынғы серіктесі Талғат Жайлауов.

Жайлауовтың жетекшілігімен құрама биыл әлем чемпионатының бірінші дивизионында жеңіске жетті және мамырда Әлем чемпионатының элиталық дивизионында өнер көрсетеді.

Роман Старченко деген кім?

Роман Старченко "Барыста" 17 маусым өткізіп, бір команда құрамында ойнаған матчт-еар саны бойынша ҚХЛ рекордын орнатты (819). Ол лигада барлығы 871 матч өткізіп (мансабының бір бөлігінде мәскеулік "Спартакта" ойнады), 215 шайба соқты, сондай-ақ 209 нәтижелі пас берді.

Бұдан бөлек, Старченко Қазақстан құрамасы сапында 18 Әлем чемпионатына (оның 10-ы – элиталық дивизионда) қатысты. Екі мәрте Азия ойындарының алтынын жеңіп алып, Азия чемпионы атанды.

Старченко хоккейдегі соңғы маусымын "Номад" сапында аяқтап, кейін команданың жаттықтырушылар штабына қабылданды.