Қазақстандық спортшы UFC лигасы рейтингінің үздік үштігіне енді

Power Slap жекпе-жек лигасының ауыр салмақтағы өкілі, қазақстандық Зәкір Найманбаев промоушен рейтингінің үздік үштігіне енді, деп хабарлайды Tengri Sport.

UFC президенті Дана Уайтқа тиесілі Power Slap шапалақпен ұру лигасының баспасөз қызметі өз спортшыларының жаңартылған рейтингін ұсынды.

Қазақстандық ауыр салмақтағы спортшы Зәкір Найманбаев позициясын нығайтып, өз дивизионының үздік үштігіне кірді.

Рейтингтің екінші сатысында Нейт Бернард тұр, бірінші орынды Дориан Перес иеленсе, Power Slap-тың ауыр салмақтағы чемпионы - Дэмиен Диббелл.

Естеріңізге сала кетейік, Зәкір Найманбаев соңғы жекпе-жегінде америкалық алып Уэсли Менмен кездескен болатын. Олардың жекпе-жегі 6 наурызда Лас-Вегаста (Невада штаты, АҚШ) өткен Power Slap 18 турнирі аясында болды. Кездесу нәтижесінде төрешілердің бірауыздан шешімімен қазақстандық спортшы жеңіске жеткен.

Қазіргі таңда Зәкір Найманбаев Power Slap-та 5 жекпе-жек өткізіп, үш жеңіске қол жеткізді.

Power Slap промоушені 2022 жылы негізі қаланған, ал 2023 жылдың қаңтарында "Power Slap: Дорога к титулу" шоуының тұсауы кесілді. Онда бірнеше спортшы бір үйде тұрып, кейіннен Гран-при форматында бір-бірімен жарысу үшін командаларға бөлінген.

Қазіргі уақытта Power Slap - Невада штатының Атлетикалық комиссиясы тарапынан лицензияланған және мақұлдалған шапалақпен ұру бойынша әлемдегі жетекші ұйым.