Рыбакина Цинциннатидегі WTA 1000 турнирінің төртінші айналымына шықты

Жарыстың үшінші айналымында қазақстандық теннисші Польша өкілі Магдалена Френхті (рейтингте 41-орын) 6:4, 7:6 (7:2) есебімен жеңді. Кездесу 1 сағат 59 минутқа созылды.

Рыбакинаның келесі қарсыласы Диана Шнайдер (Ресей) - Майя Хвалиньска (Польша) матчінің жеңімпазы болады.

Бұған дейін қазақстандық спортшының Цинциннатидегі матчі жаңбырға байланысты тоқтатылғаны хабарланған болатын.

Рыбакина жарысты екінші айналымнан бастап, бұл кезеңде америкалық Тейлор Таунсендті (№ 94) қапы қалдырды. Ал Френх өз кезегінде екі матч өткізіп, хорватиялық Антония Ружич (№ 61) пен латвиялық Елена Остапенконы (№ 30) жеңген еді.

Цинциннати турнирі 13-23 тамыз аралығында өтеді. Жарыстың жалпы жүлде қоры шамамен 7,43 миллион долларды (шамамен 3,45 миллиард теңге) құрайды.