18 секундтағы нокаут қырғызстандыққа UFC келісімшартын сыйлады

Қырғызстандық Акбар Абдуллаев UFC келісімшартын жарқын жеңіспен иеленді. Лас-Вегаста (Невада штаты, АҚШ) өткен Dana White’s Contender Series (DWCS) шоуының 10-маусымының алтыншы аптасында ол бразилиялық Эднилсон Сантосты бірінші раундтың 18-секундында-ақ оң қолмен жасалған жойқын соққымен сұлатып түсірді.

Жекпе-жектен кейін UFC президенті Дана Уайт 28 жастағы спортшының өнерін жоғары бағалап, оны DWCS тарихындағы ең дарынды үміткерлердің бірі деп атады. Абдуллаев осы шоу арқылы әлемнің жетекші ұйымымен келісімшартқа отырған алғашқы қырғызстандық атанды.

"Сен осы шоудың кейінгі 10 жылдағы ең дарынды қатысушысы болуың мүмкін деп айтуға тәуекел етер едім", - деді Дана Уайт.

Акбар Абдуллаев деген кім?

Акбар Абдуллаев 1997 жылы 21 қыркүйекте Қырғызстанның Ош облысы, Мады ауылында дүниеге келген. Бала кезінде отбасы Ресейге көшіп барып, ол тай боксымен және кикбоксингпен айналысқан. Кәсіпқой ММА-дағы дебютін 2020 жылы жасады.

Жеңіліс көрмеген рекордтық көрсеткіші - 14-0, барлық жеңістеріне мерзімінен бұрын қол жеткізген. ONE Championship ұйымында бес жекпе-жек өткізіп, бәрін нокаутпен ұтты, соның ішінде жартылай жеңіл салмақтағы қазіргі чемпион Тан Кайды да жеңген болатын. Алайда гидратация мен салмаққа қатысты мәселелерге байланысты ол чемпиондық белбеуді ала алмады.

Сондай-ақ Абдуллаев WEF және RCC турнирлерінде өнер көрсеткен.

Еркебұлан Тоқтар Өзбекстаннан келген әлем чемпионын нокаутқа түсірді