Аңызға айналған Зидан Франция құрамасында Мбаппенің бапкері болды

54 жастағы маман ұлттық құрамамен келісімшартқа отырды және оны Ұлттар лигасының алдағы матчтеріне дайындайтын болады.

Еске сала кетейік, бұған дейін аңызға айналған футболшы бас жаттықтырушы ретінде тек мадридтік "Реалда" 2016-2018 және 2019-2021 жылдар аралығында жұмыс істеген болатын. Зиданмен бірге испандықтар үш рет Чемпиондар лигасын жеңіп алып, екі рет ел чемпионы атанды.

Сонымен қатар атақты футболшы 2021 жылдан бері жаттықтырушы ретінде қызмет атқармаған.

Франция құрамасы 2026 жылғы Әлем чемпионатында жүлдеге ие бола алмады

Айта кетейік, Зиданға дейін Франция құрамасын Дидье Дешам басқарған болатын. Оның жетекшілігімен команда 2018 жылы әлем чемпионы атанып, 2022 жылы финалға дейін жетті. Бұл ретте жаттықтырушы үшін соңғы болған мундиальда француздар жартылай финалда испандықтардан, содан кейін қола жүлде үшін өткен матчте ағылшындардан ұтылып қалды.

Сондай-ақ жаттықтырушының қоржынында Ұлттар лигасындағы жеңіс бар.

Килиан Мбаппе Дешаммен жылы қоштасты

Франция құрамасының соңғы жылдардағы басты жұлдызы Килиан Мбаппе Дешамның құрамадағы соңғы матчі қарсаңында оған әсерлі жазба арнады.

Әлем чемпионаттары тарихындағы үздік сұрмерген тәлімгерін "аңыз" деп атап, бірлескен жұмысы үшін алғыс айтты.

Айта кетейік, Мбаппе Зиданмен жаттықтырушы немесе ойыншы ретінде әлі кездескен жоқ.

"Өте ауыр": Килиан Мбаппе 2026 жылғы Әлем чемпионатынан кейін жанкүйерлерге үндеу жасады