Арман Царукян UFC 331 турнирінде қарсыласын бірінші раундта нокаутқа түсірді

Фото: instagram.com/ufc

Армениялық файтер, жеңіл салмақ өкілі Арман Царукян UFC 331 турнирінде бразилиялық Маурисиу Руффиді мерзімінен бұрын жеңді, - деп хабарлайды Tengri Sport.

Жекпе-жек Лос-Анджелесте (АҚШ) өтіп, кештің басты оқиғаларының бірі болды.

Кездесу 5 раундқа жоспарланған еді, алайда бірінші раундта Царукян тікелей нокаутпен жеңіске жетті.

Алғашқы бесминуттықтың аяқталуына бірнеше секунд қалғанда Арман қарсыласын торға тақап, шынтағымен жасаған қатарынан соққыларымен канвасқа сұлатып түсірді.

Армениялық файтер кештің үздік өнері үшін 100 мың доллар көлемінде бонус алды.

Жекпе-жектен кейін Царукян келесі кездесуінде титул үшін жұдырықтасатынын мәлімдеді. Айта кетейік, жеңіл салмақтағы UFC белбеуінің иегері – америкалық Джастин Гэтжи.