“Барымды салдым“. Рыбакина Canadian Open турнирі финалында есе жіберді

Шешуші матч 14 тамызға қараған түні өтіп, 6:2, 6:3 есебімен аяқталды. Кездесу 1 сағат 16 минутқа созылды.

Швёнтек бірде-бір эйс жасамады, бір рет қос қателік жіберіп, бес брейк-пойнттың төртеуін пайдаланды. Рыбакина бір эйс жасап, төрт рет қос қателік жіберді және екі мүмкіндіктің бірде-бірін брейк-пойнтқа айналдыра алмады.

Жеңілістен кейін Рыбакина өз жанкүйерлерін, сондай-ақ қарсыласын және оның командасын турнирді сәтті өткізуімен құттықтады.

"Рақмет сіздерге. Қазір сөз табу қиын болып тұр. Бүгін жеңіске жету үшін барымды салдым, бірақ бұл жеткіліксіз болды. Керемет атмосфера үшін үлкен рақмет. Бұл тамаша турнир болды. Мұнда жақын арада қайта ораламын деп үміттенемін", - деді қазақстандық теннисші.

Еске салайық, Canadian Open турнирінің жүлде қоры 1 миллион 85 мың 200 доллар болды. Турнирдің финалына шыққаны үшін Рыбакина әлемдік рейтингте 650 ұпай иеленді. Финалға барар жолда қазақстандық спортшы "Үлкен дулыға" турнирінің екі дүркін чемпиондары - Наоми Осака мен Кори Гауффты қатарынан жеңген болатын.