+7 (777) 001 44
99
Басылым мәліметінше, АФА өзінің қаржылық жүйесі арқылы жүздеген миллион доллар айналым жасаған және бұл қаражаттың бір бөлігі агенттіктің құзыретіне кіретін қылмыстарға қатысты болуы мүмкін.
Жарияланымда футбол федерациясының көмегімен компаниялардың бірі АҚШ-тың банк жүйесінде ақша жылыстатқан болуы мүмкін екені айтылады.
"TourProdEnter LLC компаниясы AFA-дан кемінде 260 миллион АҚШ доллары көлемінде табыс тапқан, алайда LA NACION сараптаған банктік құжаттарға сәйкес, бұл қаражаттың тек аз бөлігі ұйымның нақты операциялық шығындарымен тікелей байланысты болуы мүмкін", - делінген мақалада.
БАҚ өкілдері тергеу жұмыстары 2024 жылы басталғанын алға тартып отыр. Ол кезде ФБР агенттері компания басшылары мен футбол федерациясы арасындағы байланыс қылмыстық қудалауға негіз бола алмайды деген қорытындыға келген.
Содан бері журналистер Флорида штатында шоғырланған қаржылық, банктік және корпоративтік операциялар желісін әшкереледі, бұл тергеудің қайта жандануына себеп болды.
Тергеу 2026 жылғы Әлем чемпионатындағы жанжалмен байланысты ма?
Айта кетейік, ФБР-дің Аргентина федерациясының қаржылық операцияларына деген қызығушылығы әлем чемпионатымен ешқандай байланысты емес. Дегенмен, бұл белсенділік аргентиналықтардың шулы жағдайда 1/4 финалға шыққан сәтімен тұспа-тұс келіп отыр.
Еске салайық, турнирдің алдыңғы кезеңіндегі Аргентина мен Мысыр арасындағы матч 3:2 есебімен аяқталып, ойыннан кейін Мысыр құрамасының жаттықтырушысы нәтиженің "қолдан жасалғанын" мәлімдеген болатын.
Мысыр футбол федерациясы Аргентинамен өткен матчтегі төрешілер алқасының әрекетіне наразылық білдіріп, ФИФА-ға шағым түсірді. Мысырлық федерация күмәнді түрде есепке алынбаған гол, белгіленбеген пенальти және басқа да эпизодтар төрешілердің өрескел қателіктері мен біржақтылығын көрсетеді деп есептейді.
