Криштиану Роналду мен Джорджина Родригес үйленді

instagram/cristiano

41 жастағы португалиялық футболшы Криштиану Роналду мен модель Джорджина Родригес ресми түрде ерлі-зайыпты атанды. Сейсенбіде, 11 тамызда футбол жұлдызы Instagram-дағы парақшасында неке жүзіктері бейнеленген сурет жариялады, деп хабарлайды Tengri Sport.

Суретке "C❤️G" деген қысқаша жазба қалдырылған.

Instagram-дағы бұл жарияланымды көру

Cristiano Ronaldo (@cristiano) жарияланымы

Батыс БАҚ-тың хабарлауынша, жұптың өкілі үйлену туралы ақпаратты растады. Азаматтық неке қию рәсімі Португалияның Кашкайш қаласында, жақын туыстардың арасында өткен.

Роналду мен Родригес 2016 жылы Мадридте танысқан, ол кезде Джорджина Gucci бутигінде сатушы болып жұмыс істейтін. Олардың жұп ретінде алғаш рет көпшілік алдына шығуы 2017 жылғы 9 қаңтарда болды. Роналдумен танысқаннан кейін тоғыз жыл өткен соң, 2025 жылдың тамызында Джорджина Родригес ресми түрде атастырылғандарын жариялады.

Бірге тұрған уақыт ішінде Криштиану мен Джорджинаның екі баласы дүниеге келді, ал қазір олар бес баланы тәрбиелеп отыр: оның үшеуі суррогат анадан туған.

Роналду 2023 жылдан бері Сауд Арабиясының "Әл-Наср" клубында өнер көрсетеді. Португалиялық футболшы мансабының басым бөлігін "Реал Мадридте" (2009–2018 жылдар) өткізді. Командамен бірге ол екі рет Испания чемпионы атанды, екі рет ел Кубогын иеленді, сондай-ақ төрт рет Чемпиондар лигасында жеңіске жетті. Сонымен қатар ол "Спортинг", "Ювентус" және "Манчестер Юнайтед" клубтарында ойнады. Роналду - "Алтын доптың" бес дүркін иегері.