+7 (777) 001 44
99
30 тамызда әлеуметтік желілерде тараған видео мейрамханалар бірінің маңында түсірілген. Мбаппе мен Эспозито көлікке тезірек жетуге тырысқанымен, алдарынан журналист шығып, алдымен ойыншыдан Криштиану Роналдудың үйлену тойы туралы, кейін оның жеке үйлену жоспары туралы пікірін білмек болған.
- Криштиану Роналду мен Джорджина үйленді.
- Ең бастысы - олардың бақытты болғаны.
- Келесі кезек сенде ме?
- …
- Эй, Эстердің жағдайы қалай? Бақыттысыңдар ма? Сіздерді құттықтауға бола ма?
- Қайырлы түн, - деп Мбаппе көлік ішінен диалогты аяқтап, жүріп кетті.
Ролик әлеуметтік желілерде тез тарады - бір тәуліктен аз уақыт ішінде оны 3 миллион рет тамашалаған.
Алайда көпшілік видеоның жарияланған күні мен түсірілген уақыты сәйкес келетініне күмән келтірді.
"Естеріңізге сала кетейін, бұл маусым басталғанға дейін болған, қазір Эстер Майамиде фильмнің жарнамасымен жүр!";
"Видео астына бұл маусым басталғанға дейін болғанын жазып қойыңыз. Оған артық мәселе тудырудың қажеті жоқ", - деп атап өтті олар.
Еске сала кетейік, Криштиану Роналду мен Джорджина Родригес 11 тамызда үйленсе, мадридтік "Реалдың" маусымы 23-інде басталды.
Ester Expósito e Kylian Mbappé reapareceram de mãos dadas em um encontro romântico por Madri, deixando para trás a discrição que até agora marcava suas aparições juntos 💕📸 pic.twitter.com/BPHqVCM6Rj
- kylian & ester (@kyesterarchive) 30 тамыз, 2026
Килиан Мбаппе және Netflix жұлдызы: қарым-қатынастары туралы не белгілі?
Айта кетейік, жұлдызды футболшы мадридтік "Реалдың" көшбасшысы болып саналады. 2024 жылдың наурызынан бастап БАҚ ол актриса Эстер Эспозитомен көп уақыт өткізе бастағанын хабарлап келеді.
Ал Эстердің өзіне келетін болсақ, ол осыдан 24 жыл бұрын Мадридте дүниеге келген, ал алғашқы танымалдылығына "Визави" (Vis a vis) сериалындағы рөлінен кейін ие болған. Қазір қызды көбіне Netflix-тің "Элита" сериалындағы Карла Розон Калергуа ретінде біледі.
Instagram-дағы бұл жарияланымды көру
Футболшы мен актриса қарым-қатынастары туралы ресми мәлімдеме жасаған жоқ, бірақ Эстердің Instagram-дағы жазбаларының астында Мбаппенің қызыл жүрекше түріндегі пікірлері бар, бұл олардың арасындағы байланыстың дәлелі ретінде қабылданады.
Instagram-дағы бұл жарияланымды көру
Мбаппе жаңа маусымды қалай бастады?
Әлемдегі ең қымбат футболшылардың бірі Ла Лиганың басында "Реал" сапында үш матчте төрт гол соғып үлгерді. Бұл ретте "Реал Сосьедадқа" қарсы ойында француз хет-трик жасап, команда әлі бірде-бір ұпай жоғалтқан жоқ.
Instagram-дағы бұл жарияланымды көру
Бұған дейін жанкүйерлер Эстер Эспозитодан Килиан Мбаппе Әлем чемпионатының жартылай финалында Испанияға қарсы жақсы ойнауына кедергі жасауын сұраған болатын.
