Испаниялық бірнеше БАҚ мәліметінше, "Валенсия" - "Реал" матчіндегі үзілісте трибуна астындағы бөлмеде ойыншылардың қатысуымен төбелес басталған. Алдымен "Валенсия" директоры Браулио төрешілердің алаңдағы шешімдеріне наразылығын білдірмек болған, ал Беллингем оны төрешіден тартып әкетуге тырысқан.
Нәтижесінде жанжал туындап, оны реттеуге күзет қызметі келген.
"Жағдайға қауіпсіздік қызметінің үш қызметкері араласып, "Реал" ойыншыларын киім ауыстыратын бөлмесінің есігіне қарай ысыра бастады. Осы сәтте қол сермеліп, Рюдигердің бір соққысы екі команда өкілдерін ажыратпақ болған күзет қызметкерінің бетіне тиді.
Ортаға Конате шығып, "Сабыр сақтаңдар!" деп бірнеше рет айқайлап, жанжалды тоқтатуға тырысты. Бұдан әрі жағдай ушыға қойған жоқ. Дегенмен, қауіпсіздік қызметкерлері төрешіге "Реалдың" орталық қорғаушысы тарапынан шабуылға ұшырағандарын айтты", - деп хабарлайды Marca.
Ресми хаттамада "Реал" ойыншыларының қатысуымен болған оқиға тіркелмеген, бірақ БАҚ "Валенсияда" оқиғаның бейнежазбасы бар екенін, бірақ ол әзірге жарияланбағанын алға тартады. Ал трансляция жазбасында үзіліс кезінде дәлізде көп адам жиналып қалғаны көрінеді.
🚨 | Según informa @Generaldepie_, hubo tangana al descanso en los vestuarios de Mestalla. 🇪🇸👀 👊 Bellingham y Rüdiger llegaron a golpear al personal de seguridad 🏟️ Valencia - Real Madrid https://t.co/L2eG0KUoXn
— Laliga News (@laligaa_neews) November 7, 2026
Футболшылардың өзі, төрешілер мен клубтар әзірге оқиғаға қатысты ресми мәлімдеме жасаған жоқ.
"Реал" ойыншыларына қандай жаза қолданылуы мүмкін?
Қазір Рюдигер мен Беллингемге ешқандай айып тағылған жоқ, бірақ бұл әрекеттері үшін ойыншыларға қандай жаза қолданылуы мүмкін екені белгілі болды.
"Испания федерациясының тәртіптік ережелері комитетке төреші есебінен тыс дәлелдерді қарастыруға мүмкіндік береді. 103-бапқа сәйкес, егер жарақат келтірілмеген қасақана шабуыл жасалғаны дәлелденсе, 4-тен 12 матчке дейін шеттету қарастырылған", - деп хабарлайды fanzword.com.
Айта кетейік, ойын 3:0 есебімен "Реалдың" пайдасына аяқталып, Моуриньо командасына "Атлетикомен" матч аяқталғанға дейін турнир кестесінде "Барселонаны" қуып жетуге мүмкіндік берді. Қазір каталондықтар қайта үш ұпай алда келеді.
“Атлетико“ - “Барселона“ матчіндегі камбэк Ла лига көшбасшысын анықтады