Тарихтағы ең танымал гол: доп 3 миллион долларға сатылды

Лоттың сатылғаны туралы ақпарат Американың ірі аукциондарының бірінің сайтында жарияланды. Онда сатып алушының артефакт иесі атануы үшін төлеген бағасы да көрсетілген - 3 миллион 355 мың доллар.

Фото: ha.com

Айта кетейік, Диего Марадона өзінің әйгілі голын соққан доптың аукционда сатылатыны туралы ақпарат алғаш рет 2022 жылы пайда болған еді. Ол кездің өзінде оның шамаланған бағасы 3 миллион доллар деп аталған болатын.

Доптың бұрынғы иесі - сол матчтің төрешісі, тунистік Али Бин Нассер - одан көбірек пайда тапқысы келген. 2023 жылы БАҚ оның әлеуетті сатып алушылардан 3 миллион фунт сұрағанын жазды.

Соңында ол 2,5 миллион фунттан сәл ғана асатын қорытынды сомаға келіскен көрінеді.

"Құдайдың қолы": Марадона қандай гол соқты?

Еске сала кетейік, 1986 жылғы ӘЧ-нің 1/4 финалында ағылшындардың қақпасына соғылған гол тарихқа "Құдайдың қолы" деген атпен енді, себебі Марадона допты қақпаға тура алақанымен бағыттаған болатын.

Матчтен кейін Диего жасаған ісін ашық мойындап, бірақ голдың "сәл Марадонаның басымен және сәл Құдайдың қолымен" соғылғанын мәлімдеді.

Бұл ретте сол ойында (және сол доппен) тағы бір "ғасыр голы" соғылды - Марадона қарсылас команданың жартысын алдап өтіп, допты нысанаға дәл бағыттады.

Ойыннан кейін төреші Али Бин Нассер допты шкафына тығып қойған, ал енді ол үшін миллиондаған қаражатқа кенелді.

Айта кетейік, Диего Марадона осы голдарды соққан кездегі жейдесі осыдан бірнеше жыл бұрын аукционда 9,3 миллион долларға сатылған болатын.

Диего Марадонаның өзі 2020 жылдың 25 қарашасында 60 жасында жүрегі тоқтап қайтыс болды. ХХ ғасырдың үздік футболшыларының бірі Буэнос-Айрес маңындағы "Хардин Белла-Виста" жеке зиратында ата-анасының жанына жерленді.

Соғыс және "Құдайдың қолы": неге Англия - Аргентина матчін жай ғана футбол деуге келмейді?

Бұған дейін Аргентина мен Англия құрамалары 2026 жылғы футболдан әлем чемпионатының жартылай финалында кездескен болатын. Аргентиналықтар жеңіске жетіп, кейін финалда испандарға есе жіберді.