+7 (777) 001 44
99
Бұл кеш оқиғаларға толы болды: Чемпиондар лигасының дебютанты – "Комоның" "Манчестер Юнайтедті" ойсырата жеңуі 3-турдың басты сенсациясына айналды. Сондай-ақ мадридтік "Реал" да көзге түсіп, "РБ Лейпцигпен" өткен матчте қарсыласын тас-талқан етті.
Instagram-дағы бұл жарияланымды көру
"Комо" - "Манчестер Юнайтед" - 4:1
Италиялық клуб нағыз сенсация жасап, ағылшын командасын ойсырата жеңді. Ойынның небәрі 2-минутында Нико Пас айып алаңының шетінен тамаша соққы бағыттап, есеп ашты. Екінші таймда "Комо" толықтай үстемдік құрды. 49-минутта Пас Анастасиос Дувикасқа мінсіз пас шығарып берді, ал грек шабуылшысы мүмкіндікті мүлт жібермеді.
Сегіз минуттан кейін Пас Карлос Балебадан допты тартып алып, қақпаның алыс бұрышына дәл соққы бағыттау арқылы есепті еселей түсті. 76-минутта қорғаушы Хакобо Рамон сол қанаттан асырылған допты баспен қақпаға тоғытты.
"МЮ" сапындағы жалғыз голды 90+1-минутта Джошуа Зиркзе соқты.
"Бавария" - "Арсенал" 2:2
"Альянц Аренада" өткен турдың басты матчі нағыз триллерге айналды. "Арсенал" есепті 25-минутта ашты: жарақат алған Букайо Саканың орнына алаңға шыққан Эберечи Эзе Мартин Эдегордың пасын голға айналдырды.
Он минуттан кейін Алфонсо Дэвис Харри Кейннің керемет пасынан соң есепті теңестірді. Екінші таймда ағылшындық шабуылшының өзі "Баварияны" алға шығарды: 61-минутта Юрриен Тимбер айып алаңында қолмен ойнағаны үшін белгіленген пенальтиді Кейн сәтті орындады.
Алаң иелері жеңісті сақтап қалатындай көрінген еді, бірақ 82-минутта Деклан Райс Нони Мадуэке мен Виктор Дьёкереш қатысқан әдемі комбинациядан кейін есепті теңестіріп кетті.
Instagram-дағы бұл жарияланымды көру
"Реал" - "РБ Лейпциг" - 4:1
Мадридтіктер неміс клубын сенімді түрде жеңіп, жүз пайыздық нәтижесін сақтап қалды. Бірінші таймның аяғында Бернарду Силва есеп ашты (43'). Үзілістен кейін бірден Арда Гюлер Килиан Мбаппенің пасынан кейін допты қақпаға бағыттап, есепті еселеді (52').
83-минутта Мбаппенің өзі бұрышты дәл көздесе, төрт минуттан соң Ян Диоманде әуеден соққан керемет соққысымен нүкте қойды. Қонақтар сапынан тек Тидиам Гомис қана бір голмен жауап қайтара алды (85').
"Лилль" - "Галатасарай" - 2:4
Түрік клубы қонақта жүріп ерік-жігер танытып, жеңіске жетті. Юнус Акгюнь 2-минутта-ақ есеп ашқанымен, Сориба Диаун екі мәрте таразы басын теңестірді (7' және 39'). Үзіліс алдында Алексей Батраков "Галатасарайды" қайтадан алға шығарды (44'). Екінші таймда алаң иелері өз қақпаларына гол соғып алды – Берке Озер қателесіп, қарсыласқа көмектессе (52'), Виктор Осимхен 61-минутта матчтың нүктесін қойды.
Instagram-дағы бұл жарияланымды көру
"Астон Вилла" - "Викинг" - 3:1
Ағылшындар турнирдегі сәтті бастамасын жалғастырды. Жартылай қорғаушы Росс Баркли 23-минутта есеп ашты, аргентиналық хавбек Эмилиано Буэндиа пенальтиден есепті еселеді (37'), ал 62-минутта норвегиялықтар өз қақпасына гол соғып алды (Хенрик Хеггхеймнің автоголы). Даниялық форвард Петер Кристиансен тек ойын соңында есеп айырмасын қысқартты (84').
Instagram-дағы бұл жарияланымды көру
"Спортинг" - ЛАСК - 2:3
Австриялық клуб Лиссабонда португалиялықтарды күтпеген жерден жеңіп кетті. Колумбиялық шабуылшы Луис Суарес небәрі 5-минутта пенальтиден есеп ашқанымен, австриялық Кристоф Ланг тез арада жауап қатты (15'). Екінші таймда форвард Саша Калайджич (63') пен Криштоф Данек (68') ЛАСК-ты алға шығарды. Суарес 89-минутта екінші голын соққанымен, "Спортинг" есепті теңестіре алмады.
Instagram-дағы бұл жарияланымды көру
"Брюгге" - "Ланс" - 3:0
Бельгиялықтар француз клубын айқын басымдықпен жеңді. Бельгиялық жартылай қорғаушы Ханс Ванакен бірінші таймның қосымша уақытында есеп ашты (45+3), ал екінші таймда қорғаушы Роберто Сейс (50') пен португалиялық вингер Карлос Форбс (72') көзге түсті.
"Интер" - "Шахтер" - 1:0
Миландық клуб қиын, бірақ маңызды жеңіске қол жеткізді. Ойындағы жалғыз голды 77-минутта бразилиялық қорғаушы Карлос Аугусто соқты.
Instagram-дағы бұл жарияланымды көру
"Бетис" - "Фейеноорд" - 1:0
Испандықтар жартылай қорғаушы Исконың 59-минутта пенальтиден соққан жалғыз голының арқасында жеңіске жетті.
Instagram-дағы бұл жарияланымды көру
Бұған дейін ПСЖ-ның жұлдызды вингері Хвича Кварацхелия ЧЛ матчында ауыр жарақат алып, әлеуметтік желіде әсерлі мәлімдеме жасағаны хабарланған болатын.
