“1-2 күннен кейін“: Әлімханұлы титулдық жекпе-жек туралы мәліметтерді бөлісті

Жәнібек Әлімханұлы өзінің әлеуметтік желілерінде WBO нұсқасы бойынша әлем чемпионы Хамза Шираздың қазақстандықпен жұдырықтасатын-жұдырықтаспайтыны бірнеше күннен кейін белгілі болатынын айтты.

"Мені "Қорқынышты түс" (Nightmare) деп неғұрлым жиі атаған сайын, мен шынымен де боксшылар үшін нағыз қорқынышқа айналып бара жатқан жоқпын ба деген ойға қаламын? Бірер күннен кейін оның нағыз чемпион ба, әлде бұл атақты жай ғана иеленіп жүр ме, соны білетін боламыз. Көре жатармыз", - деп жазды Әлімханұлы.

Әлімханұлының жаңа салмақтағы титулдық жекпе-жегі

Бұған дейін Жәнібек Әлімханұлының екінші орта салмақтағы WBO белбеуіне міндетті үміткер атанғаны белгілі болған еді. Қазір бұл титул британдық Хамза Ширазға тиесілі.

Екі тарап алдағы 20 күн ішінде келіссөздер жүргізуі қажет екені нақтыланды.

Шираз Әлімханұлымен жұдырықтасқанша, белбеуден бас тартуға дайын

Хамза Шираз ұйымның қазақстандыққа жекпе-жек тағайындау туралы шешіміне наразылық білдіріп, Әлімханұлының супер орта салмақтағы әлем чемпионы атағына міндетті үміткер болып тағайындалуының артында WBO-дағы жемқорлық тұруы мүмкін екенін айтты.

Сондай-ақ танымал журналист Ариэль Хельваниге берген сұхбатында Шираз WBO шешімін "келеке" және "бокс үшін масқара" деп атап, ұйымның іс жүзінде мельдонийге тесті оң нәтиже көрсеткен боксшыны марапаттап отырғанын мәлімдеді.

Сонымен қатар Шираз қазақстандыққа қарсы міндетті қорғау жекпе-жегінің орнына WBO титулынан бас тарту мүмкіндігін қарастырып жатқанын жеткізді.

Шираз Әлімханұлынан бұған дейін де "қашқан" болатын

Еске сала кетейік, 2024 жылдың өзінде Әлімханұлы мен Шираз баспасөз мәслихатында кездескен еді. Сөйлескеннен кейін қазақстандық спортшы өзінің және менеджері Эгис Климастың Хамза Ширазбен және оның промоутері Фрэнк Уорренмен әңгімелесіп тұрған видеосын жариялады.

Кадрлардың бір сәтінде боксшылардың қол алысқаны және британдықтың Карлос Адамеспен мәселені шешкеннен кейін Әлімханұлымен біріктіруші жекпе-жек өткізетінін айтқаны көрінеді.

Алайда, бірнеше минуттан кейін ол сұхбат беріп, онда басқа қарсыласты - сол кездегі IBO нұсқасы бойынша чемпион кіші Крис Юбенкті таңдады.