10 жас айырмашылық: қазақстандықтар дербиде Азиада медалін сарапқа салды

Фото: ҰОК/ Арлан Олжабай

Қазақстандық джитсерлер Адлан Мадаев пен Болатбек Сейілхан Азия ойындарының қола жүлдесі үшін өткен жекпе-жекте өзара кездесті, деп хабарлайды Tengri Sport.

77 келіге дейінгі салмақ дәрежесінде 31 жастағы Адлан жартылай финалға дейін жетіп, БАӘ өкіліне есе жіберді. Ал одан 10 жас кіші Болатбек ширек финалда жеңілгенімен, жұбаныш белдесуі арқылы қола үшін таласу мүмкіндігіне ие болды.

Нәтижесінде жас спортшы Сейілхан 2:0 есебімен ұпай саны бойынша жеңіске жетті. Белдесу соңында Мадаев отандасына құрмет көрсетіп, оның қолын көтерді.

Бұл медаль Қазақстан құрамасы үшін Азиада-2026 ойындарындағы джиу-джитсудан үшінші жүлде болды.

Кеше Нұржан Батырбеков күміс жүлдегер атанса, Жібек Құлымбетова қола медаль иеленген болатын.

Instagram-дағы бұл жарияланымды көру

𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official) парақшасынан жарияланым

Бұған дейін 70 келіге дейінгі салмақ дәрежесінде сынға түскен боксшы Төрехан Сабырхан Қазақстан құрамасына Азиаданың 10-шы алтын медалін сыйлаған еді.