15 жастағы қазақстандық ауыр атлетикадан әлемдік рекорд орнатты

Фото: Туризм және спорт министрлігінің баспасөз қызметі

Колумбияның Кали қаласында ауыр атлетикадан жастар арасындағы әлем чемпионаты өтіп жатыр. 88 келіге дейінгі салмақ дәрежесінде қазақстандық спортшы Нұржан Жұмабай алтын медаль иеленді, - деп хабарлайды Tengri Sport.

Федерацияның баспасөз қызметінің мәліметінше, 15 жастағы ауыр атлет қоссайыс қорытындысы бойынша 348 келіні бағындырды. Ол жұлқа көтеруде 155 келіні, ал серпе көтеруде 193 келіні көтерді.

Бұдан бөлек, Жұмабай 193 келіні еңсеріп, серпе көтеру жаттығуында өз жас санатындағы спортшылар арасында әлемдік рекорд орнатты.

Instagram-дағы бұл жарияланымды көру

@sportbugin парақшасынан алынған жарияланым

Күміс медальды 344 келі нәтижесімен Испания өкілі Эрик Гуадамуд Пико жеңіп алды. Қола жүлдегер - жалпы есепте 335 келіні көтерген мексикалық Хосе Орландо Мантилья.

Instagram-дағы бұл жарияланымды көру

Kaz Weightlifting Federation (@wf_rk) жарияланымы

Айта кетейік, бұл - қазақстандықтың спорт мансабындағы алғашқы әлем чемпионаты.

Еске салайық, Нұржан Жұмабай 2025 жылы 17 жасқа дейінгі спортшылар арасында 79 келі салмақ дәрежесінде Азия чемпионы атанған болатын.

Бұған дейін тілшіміз Алматы облысының Қараой ауылында болып, болашақ әлем чемпионы Нұржан Жұмабай мен оның жаттықтырушысының жүріп өткен жолы туралы баяндаған болатын.