+7 (777) 001 44
99
Қазақстандық футболшы Кәрім Меңдіқанов UEFA U-16 Development Tournament турниріне қатысу үшін U-16 құрамасына шақырту алды. Жақында ол еліміздің "Барселона" жүйесіндегі алғашқы өкілі атанды, деп хабарлайды Tengri Sport ҚФФ баспасөз қызметіне сілтеме жасап.
15 жастағы ойыншы Шымкентте 25-30 сәуір аралығында өтетін турнирде Пәкістан, Әзербайжан және Ресей командаларына қарсы ойнайды.
Қазақстан футбол федерациясының Tengri Sport сауалына берген жауабына сәйкес, бұл Меңдіқанов үшін кез келген деңгейдегі Қазақстан құрамасына алғашқы шақырту.
Айта кетейік, қазіргі уақытта испаниялық "Сан-Кугатта" ойнайтын қазақстандық құрама сапындағы жалғыз "легионер" емес. Шабуыл тобындағы ойыншылар ішінен "Магдебург" (Германия) сапынан Абдулла Бәпішев те шақырту алды.
Кәрім Меңдіқановтың Қазақстан құрамасы сапындағы дебюті 25 сәуірде Пәкістанға қарсы ойында өтуі мүмкін. Одан кейін 27 сәуірде Әзербайжанмен, ал 30-ында Ресеймен матч жоспарланған.
Instagram-дағы бұл жарияланымды көру
"Барселонадағы" алғашқы қазақстандық: не белгілі?
15 жастағы Кәрім Меңдіқанов футболмен 2017 жылы 6 жасында Оралда айналыса бастаған. Сол кездің өзінде ол командасымен бірге шетелдік турнирлерге шығып, өз шеберлігін көрсеткен.
Кейін Испанияға көшкеннен кейін ол испаниялық командалар бірінің сапында "Барселонаны" жеңіп, бірнеше айдан соң Еуропаның ең танымал клубтарының бірімен келісімшартқа отырды.
Кәрім Меңдіқановтың каталониялықтармен келісімшартқа отырғаны туралы алғаш болып испаниялық медиа Mundo Deportivo хабарлады. Кейін бұл ақпаратты футболшының ата-анасы мен оның алғашқы жаттықтырушыларының бірі растады.
Instagram-дағы бұл жарияланымды көру
