19 жастағы қазақстандық футболшы құрамадағы ең қымбат ойыншы атанды

Cурет: ҚФФ

Transfermarkt бағалауы бойынша "Ордабасы" мен Қазақстан құрамасының шабуылшысы Жасұлан Әмірдің трансфер құны 2 миллион еуроға өсті, деп хабарлайды Tengri Sport.

Беделді сайттың дерегінше, 19 жастағы форвард 2,5 миллион еуроға бағаланып отыр. Осылайша, баға шамамен бір миллиард теңгеге өсті, бүгінгі бағам бойынша екі миллион еуро 985 миллион теңгеге тең.

Айта кетейік, бүгін Әмір мен бүкіл Қазақстан құрамасы Ұлттар лигасының биылғы маусымындағы соңғы ойынын өткізеді. Ұлттық құрама сапында алаңға шығуы мүмкін футболшылардың арасында ең қымбаты - Әмір. Себебі одан жоғары бағаланатын қазақстандық футболшылар Максим Самородов пен Дастан Сәтпаев бұл кездесуге қатыса алмайды.

Қазақстан құрамасындағы ең қымбат футболшылар:

  1. Дастан Сәтпаев - 5 миллион еуро;
  2. Максим Самородов - 4 миллион еуро;
  3. Жасұлан Әмір - 2,5 миллион еуро;
  4. Нұралы Әліп - 2 миллион еуро;
  5. Бахтиер Зайнутдинов - 2 миллион еуро;
  6. Ислам Чесноков - 1,2 миллион еуро;
  7. Темірлан Анарбеков - 1,2 миллион еуро.

Сонымен қатар, Жасұлан Әмір Қазақстан премьер-лигасының ең қымбат ойыншысы атанды. Әлемдік футболдағы беделді порталдың бағалауы бойынша "Астана" жартылай қорғаушысы Иван Башич қана онымен бір деңгейде тұр.

Instagram-дағы бұл жарияланымды көру

Жасұлан Әмірдің жарияланым (@amir_zhassulan)

Жасұлан Әмір туралы не белгілі?

19 жастағы шабуылшы - "Ордабасы" академиясының түлегі. Ол 2026 жылы наурызда U-21 құрамасы сапында дебют жасап, маусымда елдің бас командасына шақырту алды. Ол Арменияға қарсы алғашқы матчында-ақ нәтижелі пас берді.

Жасұлан Ұлттар лигасындағы Словакиямен ойында тағы бір нәтижелі пас берді. Әзірге ол Қазақстан құрамасы сапында бірде-бір гол соққан жоқ.

Есесіне Қазақстан премьер-лигасында жас форвард 8 гол соғып, "Ордабасы" тарихта тұңғыш рет бір маусымда ел чемпионаты мен кубогын қатар жеңіп алуына көмектесті.

Осы ойын өрнегі үшін ол қазақстандық футболда "Жыл жаңалығы" және "Жылдың үздік жас ойыншысы" марапаттарын иеленді.

Instagram-дағы бұл жарияланымды көру

Жасұлан Әмірдің жарияланым (@amir_zhassulan)

Пікірлер