+7 (777) 001 44
99
24-нен 25-сәуірге қараған түні Бразилияның Фос-ду-Игуасу қаласында бокстан Қазақстан құрамасы Әлем кубогының бірінші кезеңінің төртінші күнін өткізіп, ширек финалға жолдама алу үшін бақ сынады, деп хабарлайды Tengri Sport.
Алғашқы болып шаршы алаңға 54 келіге дейінгі салмақ дәрежесіндегі әлемнің екі дүркін чемпионы Алуа Балқыбекова шықты. Ол болгариялық боксшы Златислава Чуканованы 4:1 есебімен айқын басымдықпен жеңді.
Instagram-дағы бұл жарияланымды көру
Бұдан кейін рингке ерлер құрамасының өкілі, 65 келіге дейінгі дивизиондағы Мұхаммедсабыр Базарбайұлы көтерілді.
Ол француз боксшысы Уго Граумен кездесіп, тартысты өткен жекпе-жекте 2:3 есебімен есе жіберді.
Жарыс күнін 65 келіге дейінгі салмақтағы әлемнің екі дүркін чемпионы Аида Әбікеева қорытындылады. Ол чехиялық Виктория Жилкованы үш рет нокдаунға түсіргенімен, қарсыласы төрешілер шешіміне дейін шыдап бақты. Нәтижесінде қазақстандық спортшы 5:0 есебімен жеңіске жетті.
Instagram-дағы бұл жарияланымды көру
Айта кетейік, бұған дейін Әлем кубогы кезеңінің ширек финалына тағы 4 боксшымыз жолдама алған болатын.
70 келіге дейінгі салмақ дәрежесіндегі Фарух Тоқтасынов жапондық Сэвон Окадзаваны төрешілердің бөлек шешімімен 3:2 есебімен жеңді.
60 келіге дейінгі салмақта өнер көрсететін Виктория Графеева Әзірбайжан боксшысы Эмили Рзаеваны нокаутқа түсірді.
50 келіге дейінгі салмақтағы Даниял Сабит венгриялық боксшы Иштван Сакадан басым түсіп, нағыз жігерлі жеңіске қол жеткізді.
Ал 80 келіге дейінгі салмақ дәрежесіндегі Диас Молжігітов Аустралия боксшысы Марлон Севехонды 4:1 есебімен тізе бүктіріп, турнирдің ширек финалына өтті.
Instagram-дағы бұл жарияланымды көру
Еске сала кетейік, бокстан Әлем кубогының бірінші кезеңі Бразилияның Фос-ду-Игуасу қаласында өтіп жатыр және ол 26 сәуірде аяқталады.
Instagram-дағы бұл жарияланымды көру
