+7 (777) 001 44
99
Қазақстандық ММА файтері Бекзат Алмахан аралас жекпе-жектен жаңа лига - грузиялық RKENA промоушенімен келісімшарт жасасты. Ұйымның баспасөз қызметі спортшыны таныстырып, өз аудиториясына үндеу жариялады.
"Қазақстанның үздік файтерлерінің бірі Бекзат Алмаханды RKENA отбасында қарсы алыңыздар", - деп жазды лиганың баспасөз қызметі.
Instagram-дағы бұл жарияланымды көру
Еске сала кетейік, бұған дейін қазақстандық спортшының әлемдегі ең мықты ММА лигасы - UFC-мен келісімшарты болған еді. Алайда тамыз айының ортасында Бекзат Алмаханның ростерден шығарылғаны белгілі болды.
Оның 4 жекпе-жекке жоспарланған келісімшарты аяқталып, промоушеннің ресми сайтында мәртебесі "Уақытша өнер көрсетпейді" деп өзгерді.
Скриншот: ufc.ru
Бекзат Алмаханның UFC-дегі мансабы
Қазақстандық спортшы UFC-ге 11-1 (10 КО, ТКО) рекордымен ауысты. Оны алғашқы жекпе-жегінде-ақ үлкен сынақ күтіп тұрды. Ол дивизиондағы ең мықты жас файтерлердің бірі - Умар Нурмагомедовпен кездесті.
Сол кезде ресейлік спортшы аса жеңіл салмақ рейтингінде 13-орында тұрған еді.
Бірінші раундтың басында қазақстандық басымдық танытты. Бір сәтте Бекзат Умарды дәл қағып алып, жойқын соққымен нокдаунға түсірді.
Алайда кейінірек Умар ес жиып, өз айқас мәнерін таңды алды. Нурмагомедов қазақстандықты партерге тартып, жердегі артықшылығын арттыра түсті. Нәтижесінде Алмахан алғашқы жекпе-жегінде төрешілердің бірауыздан шығарған шешімімен жеңілді.
Екінші кездесу араға бір жылдан астам уақыт салып өтті. Оның қарсыласы канадалық Брэд Катона болды. Жекпе-жек бірінші раундта-ақ мерзімінен бұрын аяқталды. Гонг соғылғаннан кейін 63 секунд өткенде Алмахан қарсыласына дәл соққы жұмсап, оны нокдаунға түсірді және соңына дейін соққы астына алды - төреші араласуға мәжбүр болды.
Instagram-дағы бұл жарияланымды көру
Үшінші жекпе-жегінде оған тағы да мықты қарсылас тап болды. Октагонда қазақстандық спортшы сол кездегі UFC-дің жеңіл салмақтағы чемпионы Илия Топурияның ағасы Александр Топуриямен кездесті.
Алмахан тамаша жекпе-жек өткізді. Ол жиі соққы жасап, дәл комбинациялар ұйымдастырғанымен, соққы күшіндегі айырмашылық бірден байқалды. Жекпе-жек толық уақытқа созылып, төрешілер шешімімен жеңіс бірауыздан Топурияға берілді.
Өзінің соңғы жекпе-жегінде Алмахан бразилиялық Жан Мацумотомен кездесті. Бұл бәсеке де тартысты өтті, бірақ қазақстандық спортшы төрешілерді жеңісіне сендіре алмады - олар жеңісті бірауыздан Мацумотоға берді.
Төрешілердің бірауыздан шығарған шешімімен! 💪
— UFC Brasil (@UFCBrasil) June 27, 2026
Жеңіс иесі — @JeMatsumotoUFC екінші жекпе-жекте #UFCBaku! 🇧🇷
[ Тікелей эфир тек @ParamountPlusBR ] pic.twitter.com/rLYQojfzut
RKENA - 2025 жылы негізі қаланған грузиялық жас аралас жекпе-жек промоушені. Оның басты мақсаты - грузиялық және аймақтық ММА-ның жаңа дәуірін қалыптастыру. Ұйым жергілікті және халықаралық таланттарды дамытуға, файтерлерді әлемдік топ-лигаларға (UFC, PFL, ONE) дайындауға және тартысты турнирлер өткізуге басымдық береді.
Instagram-дағы бұл жарияланымды көру
