+7 (777) 001 44
99
Биыл Қазақстанда қылмыстық және әкімшілік рақымшылық жасау жоспарланған, оған шамамен 16,5 мың адам ілігеді. Tengri Sport адам өліміне әкеп соққан жол-көлік оқиғасы үшін сотталған Шавкат Рахмоновтың бұрынғы әйелі олардың қатарында бола ма, жоқ па – соны анықтап көрді.
Мәжіліс депутаты Снежанна Имашеваның мәліметінше, колониялар мен өзге де бас бостандығынан айыру орындарынан 1 500-ге жуық адам босап шыға алады.
Рақымшылыққа қылмыстық теріс қылықтар, онша ауыр емес қылмыстар және орташа ауыр қылмыстардың бір бөлігі бойынша сотталғандар ілігеді.
Бұл ретте Қылмыстық кодекстің 345-бабы 4-бөлігі бойынша сотталған Рахмоновтың бұрынғы әйеліне рақымшылық қолданылмайды.
"Аталған баптың 3 және 4-бөліктері рақымшылықтан шығарылған", - деп түсіндірді Мәжіліс депутаты тілшіміздің сауалына берген жауабында.
Еске сала кетейік, Гүлайым Рахмонова кінәлі деп танылып, 5 жылға бас бостандығынан айырылған болатын, алайда оның тәрбиесінде жас балалары болғандықтан, жазаның орындалу мерзімі 5 жылға шегерілді.
Адам өліміне әкелген жол апаты: не болды?
2025 жылы 27 шілдеде республикалық маңызы бар Алматы-Екатеринбург тасжолының 299-шақырымында Toyota Land Cruiser 200 көлігінің жүргізушісі Қарағанды облысынан Алматы қаласына қарай келе жатып, тізгінге ие бола алмай, жол апатына ұшыраған еді.
Жол апаты салдарынан екі адам қаза тауып, екі адам ауруханаға жеткізілді. Көлікте Шавкат Рахмоновтың әйелі мен ұлы болған.
