“Ақтөбе“ - “Ордабасы“ матчі Құрылтай сайлауына байланысты кейінге шегерілді

Ұйымдастырушылардың айтуынша, олар Туризм және спорт министрлігінен хат алған, онда сайлау күніне жоспарланған барлық жарыстар кейінге қалдырылуы тиіс екені көрсетілген.

"Қазақстан Республикасы Туризм және спорт министрлігі Спорт және дене шынықтыру істері комитетінің 2026 жылғы 28 шілдедегі хатына сәйкес, 2026 жылғы 23 тамызға белгіленген Қазақстан Республикасы Құрылтайына сайлау өткізілуіне байланысты, осы күнге жоспарланған барлық спорттық іс-шара кейінге қалдырылуы тиіс. Осыған орай, футболдан 2026 жылғы маусымдағы Премьер-лига клубтары арасындағы Қазақстан Республикасы чемпионатының 23-тур матчтері кейінірек мерзімге ауыстырылады", - делінген мәлімдемеде.

Айта кетейік, матчтердің нақты қай күнге ауыстырылғаны әзірге белгісіз.

Қандай матчтер кейінге қалдырылады?

Еске сала кетейік, жаңа мемлекеттік орган – Құрылтайға (бірпалаталы парламент) алғашқы сайлау 23 тамызға жоспарланған. Сонымен қатар хабарламаға қарағанда, ауыстыру шешімі турдың барлық матчіне соның ішінде 22-сіне жоспарланған ойындарға да қатысты болады.

ҚПЛ 23-турының матчтері

22 тамыз.

• "Жетісу" - "Қайсар";
• "Оқжетпес" - "Қызылжар";
• "Қайрат" - "Ертіс".

23 тамыз.

• "Алтай" - "Атырау";
• "Тобыл" - "Жеңіс";
• "Астана" - "Каспий";
• "Елімай" - "Ұлытау";
• "Ақтөбе" - "Ордабасы".

Бұған дейін "Қайрат" 14 тамызда Орталық стадионда өтетін Канье Уэстің концертіне байланысты Чемпиондар лигасының іріктеу кезеңіндегі ықтимал матчын Алматыдан Түркістанға ауыстыратынын хабарлаған болатын.

15 тамызға жоспарланған "Қайрат" - "Ұлытау" матчі да кейінге қалдырылатыны немесе қалдырылмайтыны туралы ақпарат айтылған жоқ.