+7 (777) 001 44
99
2026 жылғы әлем чемпионатының элиталық дивизионындағы топтық кезең аяқталғаннан кейін Қазақстан ұлттық құрамасының келесі жылы кіммен ойнайтыны белгілі болды, деп хабарлайды Tengri Sport.
Турнирдің топтық кезеңіндегі 7 матчтың қорытындысы бойынша Ұлыбритания және Италия құрамалары барлық кездесулерінде жеңіліске ұшырап, жарыс жолынан шығып қалды.
2027 жылғы әлем чемпионатының элиталық дивизионында олардың орнына Қазақстан мен Украина құрамалары өнер көрсетеді.
Командалар 2026 жылғы бірінші дивизионда өткен турнирде бірінші және екінші орындарды иеленді.
Instagram-дағы бұл жарияланымды көру
Қазақстан құрамасы әлемдік хоккейдің элитасына қайта оралды
Еске сала кетейік: Қазақстан құрамасы бірінші дивизиондағы топтық кезеңдегі барлық матчта жеңіске жетіп, элитаға жолдама алды.
Турнирдің алғашқы матчында Литва командасына қарсы ойында біздің құрама екі кезең бойы 0:1 есебімен есе жіберіп жатты, бірақ ойын тағдырын өзгертіп, ірі есеппен жеңіске жетті (4:1).
Екінші кездесуде қазақстандықтар бұдан да сенімді жеңіске жетті — жапондықтар бірде-бір шайба соға алмады, ал Жайлауов командасы 6:0 есебімен басым түсті.
Чемпионаттың үшінші матчында бірінші дивизиондағы Қазақстан құрамасы Польша құрамасынан 0:1 есебімен ұтылып жатып, ойын барысын түбегейлі өзгертіп, жеңісті сериясын жалғастыра білді.
Ал төртінші және бесінші ойында ұлттық құрама 4:1 есебімен Украина мен Францияны буллит сериясында ұтты.
Қазақстанның 2027 жылғы ӘЧ-дегі қарсыластары
Алдағы чемпионатта еліміздің қарсыластары Австрия, Венгрия, Германия, Дания, Канада, Латвия, Норвегия, Словакия, Словения, АҚШ, Украина, Финляндия, Чехия, Швейцария және Швеция болады.
2027 жылғы әлем чемпионаты Германияның Дюссельдорф қаласында 14-30 мамыр аралығында өтеді.
Instagram-дағы бұл жарияланымды көру
Цюрихте (Швейцария) өтіп жатқан қазіргі элиталық турнирге келетін болсақ, медальдар үшін Швейцария, Финляндия, Латвия, АҚШ, Канада, Норвегия, Чехия және Швеция бақ сынайды.
Құрамалар әлем чемпионатының медальдарын олимпиадалық жүйе бойынша сарапқа салады: 28 мамырда – ширек финал, 30 мамырда – жартылай финал, 31 мамырда – финал және үшінші орын үшін матч өтеді.
Бұған дейін турнирде Венгрия хоккей құрамасы Ұлыбритания командасының қақпасына бес жауапсыз шайба соғып, 1939 жылдан бергі ең ірі жеңісіне қол жеткізген болатын.
Сонымен қатар, канадалық хоккейші Джейк Масси елордалық "Барыспен" жаңа келісімшартқа отырғаннан кейін қазақстандық жанкүйерлер туралы пікір білдірді.
