Әлем чемпионы Әлімханұлын жекпе-жекке шақырды: оның иелігінде WBC белбеуі бар

Карлос Адамес өзінің әлеуметтік желілерінде орта салмақтың экс-чемпионы Жәнібек Әлімханұлына үндеу жасады. WBC чемпионы қазақстандық боксшыға кездесу өткізуді ұсынып, жекпе-жекке дайын екенін білдірді.

"Ей, сен тазасың ба? Қазір жұдырықтасқың келе ме? Дайынсың ба? Кәне, іске көшейік", – деп жазды Карлос Адамес.

Адамес басқа салмақта Әлімханұлынан "қашып жүрген"

Еске сала кетейік, екі боксшы да орта салмақ дәрежесінде өнер көрсетіп, чемпиондық белбеулерге иелік еткен болатын (Адамес – WBC, Әлімханұлы – WBO және IBF). Бұған дейін бокс ұйымдары біріктіруші жекпе-жегін ұйымдастыруға тырысқан болатын.

Команданың айтуынша, доминикандық боксшы қазақстандық үшін жақсы қарсылас болған.

2025 жылғы шілде басында Әлімханұлы Карлос Адамеспен орта салмақтағы WBO, IBF (қазақстандықтың белбеулері) және WBC (доминикандықтың белбеуі) нұсқалары бойынша әлем чемпионы атағы үшін жекпе-жекке келісімшартқа отырғанын мәлімдеген.

Алайда қазақстандық боксшының айтуынша, Адамес жекпе-жектен қашқақтап, келісімшартқа қол қоймаған. Әлімханұлы қарсыласын қорқақтығы үшін айыптады. Осыдан кейін боксшылар әлеуметтік желілерде сөз таластырып қалды.

Кейінірек бокс инсайдері Майк Коппинджер Карлос Адаместің салмақ дәрежесін ауыстырып, супер орта дивизиондағы IBF белбеуінің иегері, кубалық Ослей Иглесиаспен жекпе-жек өткізуді жоспарлап отырғанын хабарлады. Бірақ бұл келіссөздерден әрі аспады.

Жәнібек Канелоға қарсы: Әлімханұлы аңызға айналған боксшының мәлімдемесіне жауап берді