+7 (777) 001 44
99
Орта салмақтағы WBO тұжырымы бойынша әлем чемпионы, қазақстандық боксшы Жәнібек Әлімханұлы Сауль Альвареске қарсы жекпе-жек туралы пікір білдірді, - деп хабарлайды Tengri Sport.
Жәнібек Әлімханұлы әлеуметтік желілердегі парақшасында мексикалық бокс жұлдызы, бұрынғы абсолютті әлем чемпионы Сауль Альвареспен жұдырықтасуды басты мақсат етіп қойғанын мәлімдеді. Қазақстандық чемпион "Канеломен" айқасу үшін салмақ дәрежесін ауыстыруға дайын екенін жеткізді.
"Жәнібек "Канелоға" қарсы! Бұл жекпе-жек - менің мақсатым! Мен супер орта салмаққа көтерілуге дайынмын! Көптеген жанкүйерлердің де бұл айқасты көргісі келетініне сенімдімін", - деп жазды Әлімханұлы.
Жәнібек Канелоға қарсы! Бұл жекпе-жек - менің мақсатым! Мен екінші орта салмаққа ауысуға дайынмын! Көптеген жанкүйерлердің де бұл жекпе-жекті көргісі келетініне сенімдімін.
- Janibek Alimkhanuly (@qazaqstyle) June 23, 2026
Әлімханұлы "Канелоны" нысанаға алды
Айта кетейік, бұған дейін Жәнібек Әлімханұлы салмақ дәрежесін өзгертіп, мексикалық аңыз боксшы, абсолютті әлем чемпионы Сауль Альвареспен жекпе-жек өткізуді жоспарлап отырғанын айтқан болатын.
Қазақстандық боксшы бірнеше жылдан бері жауап алуға тырысып жүрсе де, "Канело" оның шақыруларына ешқандай реакция білдірмей келеді. Әлімханұлы мексикалық жұлдызға соңғы үндеуін Астанадағы турнирде өткен жекпе-жегінен кейін жолдады.
🥊 Жәнібек Әлімханұлы Сауль «Канело» Альварестің мықтылығына бұрынғыдай сенбейді. IBF және WBO тұжырымдары бойынша орта салмақтағы әлем чемпионы Канелоның қарқыны бәсеңдегенін және екінші орта салмақта жұдырықтасса, ол өзіне лайықты қарсылас бола алмайтынын айтты.
- FTTV Boxing (@FTTVBoxing) 16 наурыз, 2025 жыл
💬 Жәнібек Канело туралы:
"Мен оған қарсылас болуға 100% дайынмын… pic.twitter.com/FCJUh2UEvt
Әлімханұлының мұндай жекпе-жек өткізуіне кедергі болатын факторлардың бірі - салмақ дәрежелері мен гонорарлар арасындағы айырмашылық. Бұған дейін біздің редакция Канело мен Әлімханұлы жекпе-жегінің барлық тиімді және тиімсіз тұстарын талдаған болатын. Бұл туралы мына сілтемеде.
Дегенмен, енді допингке қатысты даулы жағдайды да ескеру қажет.
Instagram-дағы бұл жарияланымды көру
Жәнібек Әлімханұлына қатысты допинг дауы
Еске сала кетейік, 2025 жылдың желтоқсанында кубалық Эрисланди Лараға қарсы үш титул үшін өтуі тиіс жекпе-жекке бірнеше күн қалғанда қазақстандық чемпионға допинг қолданды деген айып тағылған болатын. Сынамалардың бірінен тыйым салынған заттар табылып, соның салдарынан титулдық кездесу тоқтатылды.
2026 жылдың басында В сынамасын ашу процедурасы жүргізіліп, допингтің бар екені расталды.
Instagram-дағы бұл жарияланымды көру
Осыдан кейін Дүниежүзілік бокс ұйымы (WBO) Жәнібекті бір жылға шеттету туралы шешім шығарды, бірақ оны чемпиондық белбеуінен айырған жоқ.
IBF өз үкімін 10 наурызда жариялады: осы ұйымның регламентіне сәйкес, Әлімханұлы чемпиондық өкілеттігін тапсыруға мәжбүр болды.
Instagram-дағы бұл жарияланымды көру
