Асу Алмабаев UFC-дегі жекпе-жегі алдында қарсыласынан аз салмақ көрсетті

Видеодан кадрлар

Қазақстандық аралас жекпе-жек шеберлері Асу Алмабаев пен Дияр Нұрғожай Қатардағы UFC турнирі алдында салмақ өлшеу рәсімінен сәтті өтті, деп хабарлайды Tengri Sport.

Аса жеңіл салмақ дәрежесінде өнер көрсететін Асу Алмабаев таразыда 125,5 фунт (56,93 келі) көрсетті. Оның қарсыласы Кёдзи Хоригути қазақстандық спортшыдан сәл ауырлау болды: 126 фунт (57,15 келі).

Дивизион шегі - 125 фунт (56,7 келі), алайда титулдық емес жекпе-жектерде салмақ сәл асып кетсе де рұқсат етіледі.

Жартылай ауыр салмақ дивизионының өкілі Дияр Нұрғожай мен оның қарсыласы, UFC-дегі америкалық дебютант Алик Лоренц белгіленген шекке дәл келді, екеуі де 205 фунт (93 келі) көрсетті.

Instagram-дағы бұл жарияланымды көру

DAR PRO TEAM (@darteam.kazakhstan) жарияланымы

Еске салайық, UFC Fight Night 294 турнирі 21 қарашада Дохада (Қатар) ABHA Arena кешенінде өтеді. Турнирдің басты кардында UFC-дегі Қазақстанның үздік өкілі Асу Алмабаев өнер көрсетеді.

Оның қарсыласы жапониялық файтер, RIZIN және Bellator ұйымдарының бұрынғы чемпионы Кёдзи Хоригути болмақ.

Instagram-дағы бұл жарияланымды көру

ASU ALMABAYEV (@asu_zulfikar57) жариялаған жазба

Ал Дияр Нұрғожай турнирдің алдын ала кардында өнер көрсетеді. Оған қарсы UFC лигасының дебютанты Алик Лоренц октагонға шығады. Ол қазақстандық спортшы сияқты DWCS (Дана Уайттың үміткерлер сериясы) турнирінде жеңіске жетіп, келісімшартқа ие болған.

Instagram-дағы бұл жарияланымды көру

Ruby Sports & Entertainment (@rubyse) жарияланымы

"Ақша табу керек": Асу Алмабаев UFC-дегі жекпе-жегі алдында мәлімдеме жасады

Пікірлер