+7 (777) 001 44
99
Астанада Қазақстан Республикасының еңбек сіңірген спорт шебері, ересектер арасындағы Әлем чемпионатының күміс жүлдегері Алексей Чуркинді марапаттау рәсімі өтті.
Жоғары спорттық жетістіктері үшін спортшыға үш бөлмелі пәтер сыйланды. Сыйлықты Қазақстанның ауыр атлетика федерациясы Қостанай облыстық федерациясымен бірлесіп табыстады.
Алексей Чуркин өз ризашылығын білдіре отырып, тұрғын үй мәселесін шешуге тікелей ықпал еткен ҚР Ауыр атлетика федерациясының президенті Гаджи Гаджиевтің жан-жақты қолдауын ерекше атап өтті.
Сондай-ақ, спортшы тұрақты қолдау көрсетіп, назар аударғаны үшін Қостанай облыстық ауыр атлетика федерациясының президенті Махмуд Турсуновқа алғысын білдірді.
Оның айтуынша, спортшылардың еңбегін осылайша жоғары бағалау жаңа жеңістерге қосымша мотивация беріп, жас буын өкілдері үшін жарқын үлгі болады.
Чуркин ең бастысы — қажырлы еңбек етіп, арманға ұмтылу, жоғары нәтижелерге қол жеткізіп, халықаралық аренада Қазақстан туын мақтанышпен желбірету екенін атап өтті.
Рәсімге Қазақстанның ұлттық және жастар құрама командаларының спортшылары да қатысты. Олар әріптестерін шын жүректен құттықтап, федерация тарапынан көрсетілетін мұндай қолдау сенімділік ұялататынын, жаттығуға толықтай көңіл бөліп, жаңа жетістіктер жолында барын салып жұмыс істеуге мүмкіндік беретінін айтты.
Қазақстанда 15 жасар ауыр атлетті Әлем чемпионатындағы жеңісінен кейін қарсы алды
Ауыр атлетика федерациясының мұндай бастамалары халықаралық жарыстарда Қазақстанның атын шығарып жүрген спортшыларға мемлекеттік және қоғамдық қолдау көрсетудің маңыздылығын айшықтайды.
Еске сала кетейік, 2024 жылғы желтоқсанда өткен ауыр атлетикадан әлем чемпионатында Алексей Чуркин күміс медаль иеленген болатын.
