Азиадада академиялық есу экипажы Қазақстан қоржынына сегізінші алтын медальды салды

Фото: Нұрғали Жұмағазы

Қазақстан ұлттық құрамасының мүшелері Владислав Яковлев пен Иван Чернухин Жапонияның Айти-Нагоя қаласында өтіп жатқан XX жазғы Азия ойындарының чемпионы атанды. Қазақстандық экипаж академиялық есуден ерлер арасындағы тізгіншісіз есу (M2−) бағдарламасында жеңіске жетті, деп хабарлайды Tengri Sport.

А финалында Яковлев пен Чернухин мәреге бірінші болып жетіп, Қытайдан келген жақын қарсыластарынан 2,09 секундқа озып кетті. Осылайша олар Азиаданың алтын медалін иеленді, деп хабарлайды Туризм және спорт министрлігінің баспасөз қызметі.

Бұған дейін қазақстандық спортшылар іріктеу кезеңінен сәтті өтіп, жарыстың басты финалына жолдама алған болатын.

Биылғы бүкіл маусым бойы ұлттық құрама жаттықтырушылар штабы жылдың басты додасы деп айқындаған Азия ойындарына мақсатты түрде дайындалған. Азиадаға дайындық үшін команда, атап айтқанда, ересектер арасындағы әлем чемпионатына қатысудан бас тартты, деп атап өтті ведомство.

Яковлев пен Чернухин халықаралық аренада бірнеше маусымнан бері бірге өнер көрсетіп келеді. 2025 жылы дуэт ересектер арасындағы Азия чемпионатының қола жүлдегері атанды. Биылғы маусымда қазақстандық экипаж Оңтүстік Кореяның Чхунджу қаласында өткен Азия кубогінде алтын иеленіп, табысты өнерін жалғастырды. Азия ойындарындағы жеңіс осы жетістіктер сериясының жалғасы болды.

Қазақстан құрамасы үшін академиялық есуден жарыстар әлі де жалғасады. Бүгін Владислав Яковлев пен Иван Чернухин Ярослав Мельников және Тимур Фомичевпен бірге ерлер арасындағы төрттік жарысының А финалында бақ сынайды.