Азиадада Қазақстан мен Өзбекстан арасындағы матч ірі есеппен аяқталды

Әр партияда айқын басымдық танытқан қазақстандық спортшы 11:5, 11:7, 11:6, 11:6 есебімен жеңіске жетті.

Фото: ҚОК/ Сали Сабыров

1/8 финалда Зәуреш өткен Азия ойындарының чемпионы әрі Париж Олимпиадасының жүлдегері, оңтүстіккореялық Юбин Шинмен кездеседі. Матч 26 қыркүйекте өтеді.

Айта кетейік, бүгін Ақашевадан бөлек, үстел теннисінен ерлер құрамасының екі өкілі жеңіске жетті. Ұлттық құрама көшбасшысы Кирилл Герасименко жекелей сынның 1/16 финалында таиландық Сарают Танчароенді 4:3 есебімен тізе бүктірсе, Алан Құрманғалиев Йемен өкілі Ибрагим Гурбаннан 4:0 есебімен басым түсті.

Жұптық сында 1/16 финалға шыққан қазақстандық дуэт Айдос Кенжеғұлов пен Санжар Жұбанов Иран өкілдері Ношад Аламиян мен Нима Аламиянға 2:3 есебімен жол берді.

Айта кетейік, Қазақстан осы бағдарламада Азиадада бұған дейін ешқашан медаль иеленбеген.

Қазақстан Азиада-2026 медальдар кестесінде нешінші орында?

Еске сала кетейік, қазіргі уақытта Қазақстан құрамасы Жапонияның Айти және Нагоя қалаларында өтіп жатқан Азия ойындарында 27 медаль иеленді: 8 алтын, 8 күміс және 11 қола жүлде.

Ұлттық құрама медальдар кестесінде Қытай, Жапония және Оңтүстік Кореядан кейінгі төртінші орында тұр.

XX жазғы Азия ойындары 4 қазанға дейін жалғасады.

Олимпиада жүлдегері Қазақстанға Азия ойындарының жаңа медалін сыйлады