Азия чемпионаты: қазақстандық боксшы қарсыласын бірінші раундта нокаутпен жеңді

Фото: instagram.com/boxingkazakhstan/

Қазақстандық боксшы Аян Бауыржан Ташкентте (Өзбекстан) өтіп жатқан 15 жасқа дейінгі спортшылар арасындағы Азия чемпионатының жартылай финалына шықты, деп хабарлайды Tengri Sport тілшісі Қазақстан бокс федерациясына сілтеме жасап.

70 келіге дейінгі салмақ дәрежесіндегі ширек финалда отандасымыздың қарсыласы үндістандық Мехул Ране болды.

Аян бірінші раундтың өзінде-ақ үнді боксшысын екі рет нокдаунға түсірді, одан кейін төреші жекпе-жекті тоқтату туралы шешім қабылдап, қазақстандыққа техникалық нокаутпен жеңіс берді.

Осылайша, Аян Бауыржан өзіне кем дегенде қола медальды қамтамасыз етті, себебі Азия чемпионатында үшінші орын үшін жекпе-жек өткізілмейді.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Сондай-ақ 61 келіге дейінгі салмақ дәрежесінде Роуэн Тоғызбай жартылай финалға өтті. Ол ирандық боксшы Илья Мехрабиді төрешілердің шешімімен 3:2 есебімен жеңді.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Айта кетейік, 15 және 17 жасқа дейінгі спортшылар арасындағы бокстан Азия чемпионаты Ташкентте (Өзбекстан) өтіп жатыр және ол 15 мамырға дейін жалғасады.

Бокс боксшы Азия чемпионаты