+7 (777) 001 44
99
Клубтың 17 жастағы тәрбиеленушісі кеше лондондық команда сапында аустралиялық "Вестерн Сидней Уондерерс" клубына қарсы матчте дебют жасады. Қазақстандық футболшы алтыншы минуттың аяғына қарай команда үшін алғашқы голын соқты.
"Біз бәріміз - жаттықтырушылар штабы мен футболшылар - "Челси" матчін көрдік. Өткен жылы жағдай бізді Дастанды сол қанаттағы вингер позициясында ойнатуға мәжбүр еткеніне жаттықтырушылар штабымен бірге қуандық", - деді бапкер.
Оның айтуынша, Сәтпаев жаңа позицияны бірден қабылдай қоймаған, бірақ ақырында оны Қазақстан құрамасында да, "Челсиде" де дәл осы орында пайдаланып жүр.
"Академияда, барлық жасөспірімдер командасында ол таза "тоғыздық", яғни шабуылшы болды. Ал мұнда оны сол қанатта ойната бастадық. Бұл Дастан үшін жаңа тәжірибе болды. Мүмкін, оған ол жерде әрдайым жайлы бола бермеген шығар. Соған қарамастан, ол сол жерде ойнауға тырысты. Құрамада да оны сол қанатта ойнатты.
Кеше жаттықтырушылар штабымен: "Оны сол позицияда ойнатқанымыз қандай жақсы болды", - деп ойладық. Сол позицияда тәжірибе жинақтағанына қуандық. Дастан өзіне тән мәнерде гол соқты. Егер Сәтпаев орталықта бос кеңістікке ие болса, оны тоқтату қиын. Бізде ол осындай көптеген голды соққан еді", - деп атап өтті маман.
Еске сала кетейік, Сәтпаев - "Қайрат" жүйесінің тәрбиеленушісі. Ол ересектер командасында 2024 жылы 16 жасында дебют жасап, соңғы матчін 17 маусымда өткізді.
Осы уақыт ішінде ол 26 гол соғып, 10 нәтижелі пас беріп, көптеген рекордты жаңартып үлгерді. Мысалы, ол Қазақстан құрамасы тарихындағы ең жас гол авторы және Чемпиондар лигасының жалпы кезеңінде гол соққан алғашқы қазақстандық атанды.
Instagram-дағы бұл жарияланымды көру
Сәтпаевтың "Челсидегі" дебюті
28 шілдеде Сәтпаев команданың Аустралия мен Азиядағы маусымалды туры аясындағы алғашқы матчінде негізгі құрамда алаңға шықты.
Қазақстандық футболшы алаңда 63 минут өткізіп, гол соқты, сондай-ақ команданың екінші голмен аяқталған шабуылына қатысты. "Челси" жанкүйерлері әлеуметтік желілерде жас жігітке тәнті болып, басшылықтан Сәтпаевты командада қалдыруды сұрады.
Instagram-дағы бұл жарияланымды көру
6 минуттағы гол және жанкүйерлердің таңданысы: Сәтпаевтың "Челсидегі" дебюті қалай өтті
Еске сала кетейік, Сәтпаевсыз қалған "Қайрат" бүгін Чемпиондар лигасының екінші іріктеу кезеңінде кипрлік "Омонияға" қарсы ойнайды. Алғашқы кездесуде Оразбахтин командасы қарсылас сапындағы ерте алаңнан қуылған ойыншыға қарамастан есе жіберген болатын.
