“Барыс“ камбэк жасап, жаңа маусымдағы алғашқы жеңісіне қол жеткізді

Бірінші кезеңнен кейін есеп 0:0 болып тұрды, алайда екінші кезеңде "Барыстың" қарсыластары есеп ашып үлгерді.

Қазақстандық команда Ансар Шайхмедденов салған голдың арқасында есепті теңестірсе, негізгі уақыттың аяқталуына екі минут қалғанда Семён Симонов шайба соғып, "Барысқа" жеңіс сыйлады.

Матч есебі 2:1, "Барыстың" пайдасына аяқталды.

Айта кетейік, бұған дейінгі қатарынан екі кездесуде қазақстандық команда "Салават Юлаев" пен "Амурдан" ұтылған болатын. "Ладаны" жеңу демалыстан оралғаннан кейінгі алғашқы жеңіс болды.

"Барыс" қатарынан төртінші рет плей-офф кезеңіне шыға алмады

Еске сала кетейік, Қазақстан астанасының командасы өткен тұрақты чемпионатты 54 ұпаймен 18-орында аяқтап, плей-оффқа өте алмаған еді.

"Барыс" осындай нәтижелерді 2022/23, 2023/24 және 2024/25 маусымдарында да көрсеткен болатын. Елордалық клуб соңғы рет 2022 жылы плей-оффқа жолдама алған еді.

Сонымен қатар соңғы бірнеше жылда алғаш рет "Барыс" жаттықтырушылар штабын сақтап қалды. Жаңа маусымға команданы өткен жазда клуб тізгінін ұстаған Михаил Кравец дайындады.

"Барыс" ҚХЛ тұрақты чемпионатындағы алғашқы ойынын 7 қыркүйек күні өз айдынында Новосибирскінің "Сибирь" командасына қарсы өткізеді.