Бокстан Азия чемпионаты: Қазақстан - Қырғызстан жекпе-жегі айқын жеңіспен аяқталды

Жартылай финалда қазақстандықтың қарсыласы қырғызстандық боксшы Нұрсұлтан Дуйшоналиев болды. Жекпе-жек толық уақытқа созылып, төрешілердің бірауыздан қабылдаған шешімімен Асқанбайдың жеңісімен аяқталды.

Осылайша, қазақстандық боксшы 19 жасқа дейінгі бокстан Азия чемпионатының финалына өтіп, турнирдің алтын медалі үшін бақ сынайды.

Еске салайық, бұған дейін U-19 Азия чемпионатының финалына әйелдер құрамасының өкілдері де жолдама алған болатын.

Камила Оспанова 70 келіге дейінгі салмақ дәрежесіндегі жартылай финалда кореялық Мина Жангты 4:1 есебімен тізе бүктірді.

80 келіге дейінгі салмақ дәрежесінде сынға түсетін Айдана Убайдуллақызы қырғызстандық Мирим Чинбекованы нокаутқа түсірді.

Ал 80 келіден жоғары дивизион өкілі Зарина Толыбай вьетнамдық спортшы Цзи Гунь Ань Леден мерзімінен бұрын басым түсті.

Еске салайық, бокстан 19 және 23 жасқа дейінгі спортшылар арасындағы Азия чемпионаты Жакартада (Индонезия) өтіп жатыр.