Бокстан Азия чемпионатында Қазақстан - Тәжікстан жекпе-жегі нокаутпен аяқталды

Фото: instagram.com/boxingkazakhstan/

Қазақстандық боксшы Әділ Асқанбай 19 жасқа дейінгі спортшылар арасындағы бокстан Азия чемпионатында тәжікстандық Азамжон Хасановты мерзімінен бұрын жеңді, - деп хабарлайды Tengri Sport.

Жекпе-жек 50 келіге дейінгі салмақ дәрежесінде 1/8 финал аясында өтті. Екінші раундтың өзінде Әділдің кезекті шабуылынан кейін төреші қарсыласына нокаут есептеп, кездесуді тоқтатты.

Осылайша, Асқанбай ширек финалға шықты.

Айта кетейік, биыл ерлер мен әйелдер арасындағы U-19 және U-23 санаттары бойынша бокстан Азия чемпионаты 3–16 шілде аралығында Джакартада (Индонезия) өтіп жатыр.

Қазақстан құрамасынан турнирге 39 спортшы қатысады.