Бір күнде екі қазақстандық күрестен әлем чемпионы атанды

Екі финал да Қазақстан уақытымен 14 қазан күні таңертең өтті.

60 келіге дейінгі салмақ дәрежесінде сынға түскен Айтбеков финалда әзірбайжандық Эльмир Алиевті 14:3 есебімен тізе бүктірсе, 72 келіге дейінгі салмақта Ашрапов армениялық Гаспар Тертеряннан 4:3 есебімен басым түсті.

Айта кетейік, осы жас санатындағы грек-рим күресінен қазақстандық балуан соңғы рет осыдан үш жыл бұрын әлем чемпионатының алтынын иеленген болатын. Сол кезде Тиранада (Албания) өткен турнирде Сұлтан Әсетұлы 67 келіге дейінгі салмақта чемпион атанған еді. Содан бері U-23 деңгейінде Қазақстанда классикалық күрестен чемпион болмаған.

Еске сала кетейік, 24 қазан мен 1 қараша аралығында Астанада ересектер арасындағы күрес түрлерінен әлем чемпионаты өтеді.

Жапонияда өткен Азия ойындарында Қазақстан балуандары бірде-бір алтын медаль ала алмады, бірақ ел қоржынына бір күміс пен алты қола жүлде салды.

Бұған дейін әлеуметтік желілерде бокстан әлем және Азия ойындарының чемпионы Төрехан Сабырханның биі желіде кеңінен тарады.