Чемпиондар лигасындағы жалғыз қазақстандықтың шайқасы: қайдан көруге болады?

Бүгін, 13 қазанда, 2026/27 жылғы маусымдағы УЕФА Чемпиондар лигасы негізгі кезеңінің екінші туры басталады. Турдың алғашқы күні қазақстандық қақпашы Стас Покатилов ойнайтын әзербайжандық "Сабах" клубы алаңға шығады. Бакулік ұжым өз алаңында прагалық "Славияны" қабылдайды.

ЧЛ екінші турының матчтер кестесі

Айта кетейік, турнирдің алғашқы күні Еуропаның үздік командалары арасында 9 матч өтеді. 2 кездесу 13 қазан кешкісін, ал қалған 7 ойын 14 қазанға қараған түні болады.

13 қазанда

• "Ланс" - "Спортинг" - 21:45;
• "Сабах" - "Славия" (Прага) - 21:45.

14 қазан

• "Арсенал" - "Лилль" - 00:00;
• "Атлетико" - "Манчестер Юнайтед" - 00:00;
• "Интер" - "Брюгге" - 00:00;
• "Галатасарай" - "Барселона" - 00:00;
• "РБ Лейпциг" - ПСВ - 00:00;
• "Викинг" - "Бавария" - 00:00;
• "Вильярреал" - "Наполи" - 00:00.

ЧЛ-дағы соңғы қазақстандықтың матчін қайдан көруге болады?

Айта кетейік, "Сабах" - "Славия" матчі Бакудегі (Әзербайжан) Олимпиада стадионында өтеді және Қазақстан уақытымен 21:45-те басталады. Ойынның тікелей трансляциясын Qazsport телеарнасы өзінің ресми сайтында көрсетеді. Сондай-ақ сол жерден сағат 00:00-де басталатын "Галатасарай" - "Барселона" матчін де тамашалауға болады.

Еске сала кетейік, Стас Покатилов Чемпиондар лигасындағы дебютін "Олд Траффордта" "Манчестер Юнайтедке" қарсы матчте жасаған болатын. Оның командасы сырт алаңда "қызыл сайтандардан" жауапсыз төрт гол жіберіп алды.

Голдарды бразилиялық шабуылшы Матеус Кунья (27'), португалиялық жартылай қорғаушы Бруну Фернандеш (42'), словениялық форвард Беньямин Шешко (45') және аргентиналық қорғаушы Лисандро Мартинес (68') соқты.

Қазақстан 2028 жылы УЕФА Суперкубогын өткізеді