Дастан Сәтпаев “Челсидегі“ дебютінен кейін рекорд орнатты

Дастан Сәтпаев бұған дейін де Қазақстандағы ең танымал футболшылар қатарында болатын. Алайда оның лондондық "Челсидегі" сәтті дебюті оны құрамадағы әріптестері арасында бірінші орынға шығарды.

Былтыр Сәтпаевтың Instagram-дағы жазылушылар саны 187 мың болған еді.

Алайда ағылшын клубындағы сәтті ойынынан кейін бұл көрсеткіш 292 мыңға жетіп, оны ең танымал қазақстандық ойыншыға айналдырды.

Скриншот: instagram.com/d.satpayev

Қазақстанның ең танымал 5 футболшысы

1. Дастан Сәтпаев ("Челси") - 292 мың жазылушы;
2. Шерхан Қалмырза ("Қайрат") - 279 мың жазылушы;
3. Темірлан Анарбеков ("Қайрат") - 233 мың жазылушы;
4. Бахтиер Зайнутдинов ("Динамо", Мәскеу) - 228 мың жазылушы;
5. Абат Айымбетов ("Ақтөбе") - 123 мың жазылушы.

Айта кетейік, "Челсидің" ресми парақшасында Сәтпаевтың голы түсірілген жарияланым клуб үшін рекорд көрсеткішке ие болды: 29 миллионнан астам қаралым, 1 миллионнан астам лайк және 420 мыңнан астам пікір жазылған.

Өзге жарияланымдар әлдеқайда аз қаралым жинап, жанкүйерлер тарапынан мұндай реакция тудырмаған.

Сәтпаевтың "Челсидегі" дебюті

Еске сала кетейік, 17 жастағы Дастан Сәтпаев Австралия мен Азиядағы маусым алдындағы турне аясында "Вестерн Сидней Уондерерс" командасына қарсы жолдастық кездесуде "Челси" сапында дебют жасаған болатын.

Қазақстандық ойыншы негізгі құрамда шығып, алтыншы минутта Райан Кавума-Маккуиннің пасынан кейін қақпашымен жеке дара шығып, есеп ашты.

Дастан Сәтпаев - АПЛ-дағы алғашқы қазақстандық

Дастан Сәтпаев жасөспірімдер командалары деңгейінде өзін жақсы қырынан көрсетіп, бұл оның "Челсиге" ауысуына себеп болды. 16 жасында ол "Қайраттың" негізгі құрамында өнер көрсетуге мүмкіндік алып, алматылықтарға ел чемпионатын екі рет жеңіп алуға және Чемпиондар лигасына жолдама алуға көмектесті.

Алғашқы толық маусымында Дастан керемет нәтиже көрсетті: тек ҚПЛ-да 14+6 және Чемпиондар лигасында 4+1 ұпай жинады. Сәтпаевтың еншісінде Қазақстан құрамасы сапында соққан голы да бар, бұл оны ұлттық команда тарихындағы ең жас гол авторы етті.

Дастан барлық турнирде жалпы саны 27 гол соғып, 9 нәтижелі пас берді.

Сәтпаевтың "Челсиге" ауысуы Қазақстан үшін тарихи оқиға болды - бұған дейін еліміздің бірде-бір футболшысы Англия чемпионатында ойнаған емес. Сонымен қатар "Қайраттың" "Челсиден" алған сомасы (түрлі дерек бойынша 2,8-ден 4 миллион еуроға дейін) қазақстандық футбол үшін рекорд көрсеткіш.

“Сәтпаевтың артында бүкіл ел тұр“: Фабрицио Романо қазақстандықтар туралы пікір білдірді

“Фурор жасады“: Англияда Дастан Сәтпаевтың әсеріне тағы да тәнті болды