Дастан Сәтпаев “Челсидегі“ шешуші матч алдында сырт келбетін өзгертті

Мохаммедтің жазбасында Коул Палмер, Марк Палестра, Аарон Ансельмино және Дастан Сәтпаевтың жаңа образдары көрсетілген.

17 жастағы қазақстандық кадрда қысқа алынған және төбесі сәнделген шаш үлгісімен бой көрсетті.

Көрермендер қазақстандық футболшыны жаңа имиджбен осы аптаның соңында көріп қалуы мүмкін.

Сәтпаевтың "Стэмфорд Бридждегі" дебюті

Лондондық клубтың маусым алдындағы дайындығы аясында қазақстандық төрт матчтің үшеуінде алаңға шығып, "Вестерн Сиднейге" қарсы алғашқы ойынның 6-минутында-ақ гол соғып үлгерді.

Дастан қатысқан барлық матчті лондондықтар Англиядан тыс жерде – Аустралия, Индонезия, Малайзия және Гонконгта өткізді.

15 тамызда Сәтпаевтің "Челсидің" өз стадионында алғаш рет алаңға шығу мүмкіндігі тууы мүмкін. Команда маусым алдындағы соңғы жолдастық кездесуін испандық "Реал Сосьедадқа" қарсы дәл осы "Стэмфорд Бриджде" өткізеді.

Англияда маусым 25 тамызда басталады және осы уақытқа дейін клуб басшылығы қазақстандықтың болашағына қатысты шешім қабылдауы ықтимал: оны негізгі құрамда қалдырады, жастар командасына ауыстырады немесе басқа клубқа жалға береді.

Еске сала кетейік, 12 тамызда Сәтпаев 18 жасқа толады, содан кейін ол Англияда ресми түрде ойнау құқығына ие болады.

Бұған дейін қазақстандық Дастан Сәтпаев "Челсидің" малайзиялық "Джохорға" қарсы матчінде 7 минут ойнап, нәтижелі шабуылға қатысқан болатын.

Ал Қазақстан ұлттық құрамасының жаңа бас жаттықтырушысы Джон ван ’т Шхип Сәтпаевтың мықты команда құруға көмектесетінін мәлімдеді.