Дастан Сатпаев жақын арада “Челси“ сапында дебют жасауы мүмкін

17 жастағы қазақстандық алдағы уақытта "Тоттенхэм", "Ювентус", "Милан" және басқа да командаларға қарсы өтетін жолдастық кездесулерге қатысуы мүмкін.

Сәтпаевтан бөлек, құрамда команданың ең қымбат ойыншыларының бірі Коул Палмер, шабуыл өтіндегі көшбасшы Жоау Педро, жас жұлдыз Эстевау және негізгі құрамның басқа да футболшылары бар.

"Турне барысында "Челси" командасына негізгі құрамның тағы бірнеше ойыншысы қосылады деп күтіледі Олардың келу мерзімі туралы ақпарат клубтық арналарда расталады", - деп толықтырды баспасөз қызметі.

"Челсидің" маусым алдындағы турнеге қатысатын құрамы

Қақпашылар: Филип Йоргенсен, Роберт Санчес, Тед Керд, Тедди Шарман-Лоу

Қорғаушылар: Джош Ачимпонг, Тосин Адарабиойо, Аарон Ансельмино, Леви Колвилл, Уэсли Фофана, Джоррел Хато, Марко Палестра, Мамаду Сарр, Тайо Субулойе

Жартылай қорғаушылар: Лэндон Эменало, Дарио Эссуго, Омари Келлиман, Ромео Лавиа, Мадхи Николл-Джазули, Реджи Уолш, Реджи Уотсон

Шабуылшылар: Лиам Делап, Джейми Гиттенс, Райан Кавума-МакКуин, Коул Палмер, Жоао Педро, Дастан Сәтпаев, Эстевао Виллиан.

Бұл ретте әртүрлі ұлттық құрама сапында әлем чемпионатына қатысқан Энцо Фернандес (Аргентина) немесе Мойзес Кайседо (Эквадор) сияқты ойыншылар әлі командаға оралған жоқ.

Сәтпаевтың "Челси" сапында дебют жасауы мүмкін матчтар: кесте

• 28 шілде "Челси" - "Вестерн Сидней";
• 1 тамыз "Челси" - "Тоттенхэм";
• 5 тамыз "Челси" - "Ювентус";
• 8 тамыз "Челси" - "Милан";
• 9 тамыз "Челси" - "Джохор Дарул Такзим".

Қазақстандық вингер үшін бұл матчтер "Челси" жейдесіндегі алғашқы ойындар болуы мүмкін.

Дастан Сәтбаев - Қазақстан мен Чемпиондар лигасының рекордшысы

Еске сала кетейік, 17 жастағы Сәтбаев - Қазақстан футбол құрамасы тарихындағы ресми кездесулерде гол соққан ең жас автор. Сонымен қатар ол Чемпиондар лигасы тарихындағы ең жас гол авторларының алғашқы ондығына кіреді.

Transfermarkt порталында Сәтбаевтың құны қазір 3,5 миллион еуроға бағаланып отыр - бұл Қазақстан құрамасының барлық ойыншылары арасындағы ең жоғары көрсеткіш.

17 маусымда ол "Қайрат" сапындағы соңғы матчін өткізіп, кейін Лондонға ұшып кетті. Онда ол жаттықтырушының жетекшілігімен алғашқы жаттығуларын өткізіп үлгерді.