Елдос Сметов Азия ойындарының екінші алтыны үшін бақ сынайды

Қазақстандық дзюдошы 60 келіге дейінгі салмақ дәрежесіндегі жартылай финалда Азияданың қазіргі чемпионы - тайпэйлік Ян Юнвэйді жеңді.

Белдесудің ортасында Сметов қарсыласын айласына түсіріп, дзюдодағы ең жоғары ұпайлардың бірі - "ваза-ари" ұпайын иеленді. Осыдан кейін отандасымыз кездесу тізгінін өз қолында ұстап, сенімді жеңіске жетті.

Белдесу қорытындысы - Елдос Сметовтың пайдасына 10:0 есебі тіркелді.

Айта кетейік, Сметов үшін 2026 жылғы Азия ойындарының финалы мансабындағы екінші финал болмақ. Ол алғашқы алтын жүлдесін 2014 жылы жеңіп алған болатын.

Сметов - Қазақстанның тарихындағы тұңғыш чемпион

Еске сала кетейік, қазақстандық Елдос Сметов қатарынан үш Олимпиада ойындарында жүлдегер атанды: 2016 жылы күміс, 2021 жылы қола және 2024 жылы алтын. Сметовтің Париждегі жеңісі Қазақстан тарихындағы дзюдодан алғашқы алтын болды.

Париж Олимпиадасынан кейін чемпион үзіліс алды: алдымен ағылшын тілін үйренуге кетті, содан кейін бұрыннан мазалап жүрген жарақаттарына байланысты бірнеше ота жасатты.

Сметов үшін үзілістен кейінгі алғашқы турнир 2026 жылғы маусымда өткен Қытайдағы Гран-при болды. Ол жарысты екі жеңіспен бастағанымен, қорытындысында бесінші орынға табан тіреді.

Азия ойындары басталар алдында Сметовтің қазан айында өтетін әлем чемпионатына Қазақстан құрамасының сапына енбей қалғаны белгілі болған еді.